Padmacharitam Part 02

Author(s): Ravishenacharya, Darbarilal Nyayatirth
Publisher: Manikchand Digambar Jain Granthamala Samiti

Page 413

४०४
पद्मपुराणम्।
षष्टितम पर्व । गत्वा कथितःक्षेमः संदेशः सादर सुरः । ताभ्यामुढे ददौ विद्ये परिवारसमन्विते ॥ १३४ ॥ तयोः पद्मावदातस्य यानमर्पयदद्भुतम् । समुद्योतितदिक्चक्रं सौमित्राय च गारुडम् ॥ १३५ ॥ विद्येशं प्राप्य संमान्य धीरौ चित्तगतिं मुदा । पृष्टवातौ जिनेन्द्राणां पूजां तौ चक्रतुः परम् १३६ परं साधुप्रसादं च प्रस्तावे संगतोदयम् । सशंसतुर्मुदोदारगुणग्रहणतत्परौ ॥ १३७ ॥ आदत्तां च सुरास्त्राणि भासुराणि सहस्रशः । वारुणाग्निमरुत्सृष्टिप्रभृतीनि सुविभ्रमौ ॥ १३८॥ चंद्रादित्यसमे छत्रे चारुचामरमंडिते । रत्नानि च प्रदत्तानि पिहितानि निजौजसा ॥ १३९ ॥ गदाप्रहरणं विद्युद्वक्त्रा लक्ष्मीधरं श्रिता । हलं समुसलं पद्मं दैत्यानां भयकारणम् ॥ १४०॥ माहेमानं परं प्राप्य ताभ्यां संमदसंगतः। आशी शतानि दत्वासौ गतो देवस्त्रिविष्टपम् ॥१४॥ धर्मस्येतद्विधियुतकृतस्यानवयस्य धीरे-ज्ञेयं स्तुत्यं फलमनुपम युक्तकालोपजातम् ॥ यत्सप्राप्य प्रमदकलिताः दूरमुक्तोपसर्गाः । संजायन्ते स्वपरकुशलं कर्तुमुद्भूतवीर्याः ॥ १४२ ॥ आस्तां तावन्मनुजजनितं संपदः कांक्षितानां । यच्छन्तीष्टादधिकमतुलं वस्तु नाकश्रितोऽपि ॥ तस्मात्पुण्यं कुरुत सततं हे जनाः सौख्यकांक्षाः । येनाने रविसमरुचः प्राप्नुताश्चर्ययोगम् १४३
इत्याचे रविषेणाचार्यप्रोक्ते पद्मपुराणे विद्यालाभो नाम षष्टितमं पर्वः ॥ ६० ॥