Padmacharitam Part 02

Author(s): Ravishenacharya, Darbarilal Nyayatirth
Publisher: Manikchand Digambar Jain Granthamala Samiti

Page 419

पद्मपुराणम् ।
४१०
द्वाषष्टितम पर्व। आयातोऽभिमुखं तस्य राक्षसेन्द्रस्य रहंसा । अष्टमीचन्द्रवक्रेण ध्वजं भ्रान्तेषुणाच्छिनत् ॥३०॥ तेनापि तस्य संरंभं संभाराकान्तसाधनम् । धनुर्द्विधाकृतं क्षिप्त्वा सायकं निशिताननम् ॥३१॥ ततो परमुपादाय चापमाशु विभीषणः । द्विधाकरोद्धनुस्तस्य प्रतिकारविचक्षणः ॥ ३२ ॥ एवं तयोर्महायुद्धे प्रवृत्ते वीरसंक्षये । जनकस्य परं भक्तः शक्रजियोद्धमुद्ययौ ॥ ३३ ॥ लक्ष्मीधरेण रुद्धोऽसौ पर्वतेनेव सागरः । पद्मनेत्रेण पझेन भानुकर्णोऽग्रतः कृतः ॥ ३४ ॥ ययौ सिंहकटिं नीलो युद्धशंभुं तथा नलः । स्वयंभुं दुर्मतिः क्रुद्धो दुर्मर्षोऽपि घटोदरम् ॥ ३५॥ दुष्टः शक्राशनि कालिस्तथा चन्द्रनखं नृपम् । स्कन्दो भिन्नांजनं विघ्नं विराधितनराधिपः ॥३६॥ ख्यातं मयमहादैत्यमंगदो भासुरांगदः । कुंभकर्णसुतं कुंभ समीरणसमुद्भवः ॥ ३७॥ किष्किंधेशम् समाल्याख्यं केतुं जनकनन्दनः । कामं दृढरथः क्षुब्धः क्षोभणाभिख्यमूर्जितम् ३८ अन्येऽप्येवं महायोधा यथायोग्यं परस्परम् | आरेमिरे रणं कर्तुमाहानमुखराननाः ॥ ३९ ॥ गृहाण प्रहरागच्छ जहि व्यापादयोद्गिरः । छिंधि भिन्धि क्षिपोत्तिष्ठ तिष्ठ दारय धारय ॥ ४०॥ बधान स्फोटयाकर्ष मुंच चूर्णय नाशय । सहस्व दत्स्व निःसर्प संधत्स्वोच्छ्य कल्पय ।। ४१ ।। किं भीतोऽसि न हन्मि त्वां धिक्त्वां कातरको भवान् । कस्त्वं विभेसि नष्टोऽसि मा कंपिष्ठा क गम्यते