Padmacharitam Part 02

Author(s): Ravishenacharya, Darbarilal Nyayatirth
Publisher: Manikchand Digambar Jain Granthamala Samiti

Page 430

पद्मपुराणम् ।
४२१
चतुःषष्टितमं पर्व! प्राप्तो दुःखग्रहद्वारं पुरुषश्चारुदर्शनः । प्रभामंडलबीरेण प्रविशन्निति नोदिता ॥ १८ ॥ कस्त्वं कस्य कुतो वाऽसि किमर्थ वा विवक्षसि । तिष्ठ तिष्ठ समन्वश्व नात्राविदितसंगमः १९ सोऽवोचदद्य मे मासः साग्रः प्राप्तस्य वर्त्तते । पद्मं समाश्रयामीति प्रस्तावो ननु लभ्यते ॥२०॥ अधुना दर्शये शीघ्रं जीवंतं यदि लक्ष्मणम् । द्रष्टुं भवति वांछा वस्तत्रोपायं वदाम्यहम् ॥२१॥ इत्युक्ते परितुष्टेन भामंडलमहीभृता । दत्वा प्रतिविधि द्वारे नीतोऽसौ पद्मगोचरम् ॥ २२ ॥ संप्रयुज्य प्रणामं च स जगाद महादरः । मा खित्स्थास्त्वं महाराज कुमारो जीवति ध्रुवम् ॥२३॥ सुप्रभा नाम मे माता जनकः शशिमंडलः । देवगीते पुरेऽहं च चंद्रप्रतिमसंज्ञकः ॥ २४ ॥ जातुचिद्विचरन् व्योम्मि वेलाध्यक्षस्यसूनुना । सहस्रविजयाख्येन वैरिणाऽहं निरीक्षितः॥२५॥ ततो मैथुनको वैरं स्मृत्वा क्रोधं समीयुषा । तस्य जातं मया सार्द्ध रणे सुभटदारुणम् ॥ २६ ॥ ततोऽहं चंडरवया शक्त्या तेन समाहतः । खान्महेन्द्रोदयोद्याने नक्तं निपतितो घने ॥ २७ ॥ पतंतं मां समालोक्य तारकाबिंबसन्निभम् । साकेताधिपतिस्तार्की भरतः समढौकत ।। २८ ॥ शक्तिशल्यितवक्षश्च सिक्तश्चंदनवारिणा । तेनाहं करुणार्गेन साधुना जीवदायिना ॥ २९ ॥ शक्तिः पलायिता काऽपि जातं रूपं च पूर्वकम् । अधिकं च सुखं जातं तेन मे गंधवारिणा ३०