Namskar Nishtha

Author(s): Mafatlal Sanghvi
Publisher: Manilal Chunilal

Page 6

ભાવનાઓનાં મેજાએ ઉછળે છે અને એની ઉત્તરોત્તર વૃદ્ધિ થવાથી નવકાર દ્વારા જેનું સ્મરણ–ધ્યાન વગેરે થાય છે, તે શ્રી પંચ પરમેષ્ઠિમાંના કેઈને કોઈ એક પદમાં આત્માને પ્રસ્થાપિત કરવા સાધક શક્તિમાન બને છે.
શાસ્ત્રકાર મહર્ષિઓના વચનાનુસાર આ મહામંત્ર તેના આરાધકોના સર્વ પાપેને નાશ કરાવવાની શક્તિ ધરાવે છે. બીજા શબ્દમાં શ્રીનવકારમંત્રના આરાધકમાં આરાધનાના બળે, પાપ માત્રને નાશ કરવાની અને મંગળ માત્રને પ્રાપ્ત કરવાની શક્તિ ઉત્પન્ન થાય છે. એટલે શ્રીનવકારની આરાધના એક પ્રકારે વિશિષ્ટ શક્તિની જ આરાધના ગણાય. એ શક્તિ કેઈ પાપીના નાશ માટે, કે કઈ બાહ્ય શત્રુના નાશ માટે નથી, કિન્તુ પાપીના પાપને અને શત્રુ પ્રત્યે શત્રુતા પેદા કરનાર અશુભ ભાવને જ મૂળથી ઉચ્છેદ કરનારી છે. તેથી તે અત્યંત ઉપાદેય છે; પ્રશંસનીય છે. શ્રીજૈન શાસનમાં એવી સાત્વિક શક્તિની ઉપાસના જ વિહિત થયેલી છે; એ વાત સુપ્રસિદ્ધ છે.
શ્રીનવકાર નિષ્ઠા' નામના આ પુસ્તકમાં શ્રીનવકારની નિષ્ઠાપૂર્વક થતી આરાધનાના પરિણામે પ્રાપ્ત થનારા અગણિત લાભનું વિવિધ રીતે, ભક્તિ પૂર્ણ હૃદયે, વિવેચન કરેલું છે. શ્રી જૈનસંઘમાં શ્રીનવકારની આરાધના અખલિતપણે થઈ રહેલી છે અને તે દ્વારા પાપ નાશ કરવાની શક્તિ પ્રાપ્ત કરવાનો ઉદ્યમ ચાલુ છે. “શ્રીનવકાર નિષ્ઠા નામનું આ પુસ્તક તે પ્રયત્નમાં વધુ જાગૃતિ લાવનારૂં નીવડશે.