________________
સદબોધ.
(૬૩) તારી કાર્યકુશળતા અને સદ્બુદ્ધિ માટે તારા પિતાશ્રીને તથા મને ઘણે આનંદ થાય છે.
પણ એક વાતની મને હવે નવી ચિંતા ઉત્પન્ન થઈ છે. તને પરણ્યાને હવે નવમે માસ બેસવાનો જેથી દેશચાલ પ્રમાણે તારા સાસરીઆ તરફથી આણું વાળવા આવશે. આવતી દીવાળીના પ્રસંગ ઉપર ધનતેરશના દિવસે આણું વળાવી તને તારા સાસરે મોકલવાની છે. એ આણા સંબંધી માટે કેવી રીતે તજવીજ રાખવી, તે કાર્યને વિચાર મને એક મહિનાથી થયા કરે છે. દીકરીને હક માવતર ઉપર છે, એ હું સારી રીતે જાણું છું પણ મારે આપણું ઘરની સ્થિતિનો અને બજારમાં આપણી આબરૂ સચવાઈ રહે તેને ખ્યાલ રાખવાની પણ પ્રથમ જરૂર છે. તારા પિતાશ્રીની માંદગીને લીધે તેઓ ત્રણ ચાર વર્ષ થયાં ખાટલાવશ છે, હવે તે તેમનું અંગ મુદ્દલ હરી ફરી શકતું નથી તેમજ તારા બે ભાઈએ નાનાં બાળક જેવા છે, એ ત્રણેની સારવારમાં તું મને સારી મદદગાર હતી. તું હવે સાસરે જવાની હોવાથી તારા તરફથી જે ટેકે મળતું હતું, તે પણ હવે બંધ થઈ જવાનો છે. હવેથી ઘરનું સઘળું કામકાજ મારે એકલાં જ કરવું પડશે અને તારા પિતાશ્રીની માંદગીની સઘળી સારવાર પણ મારે પોતાનેજ કરવાની રહેશે. તેમનું શરીર સાજું અને સારું હોય ત્યારની વાત જુદી છે, પણ અત્યારે માંદગીના વખતમાં તે તેમના આત્માને જરા પણ દુખ ન થાય, એવી રીતે સંભાળીને મારે વર્તવાનું છે. જેથી શીવણનું, ભારતનું કે કસબી કામ કરી પાંચ પૈસા ઘરખર્ચના માટે પેદા કરવાનું કામ હાલમાં ચાલુ છે, તે પણ હવે બરાબર ચાલી શકશે નહિ. તેમજ તારા લગ્નપ્રસંગની ખરાજાતના દેવામાંથી પણ હું પૂરેપૂરી મુક્ત થઈ શકી નથી, એ વાત તો તું જાણે
