Anuttaropapatikdasha

Author(s): Abhaydevsuri,
Publisher: Agamoday Samiti

Page 5

तत्थ णं कागंदीए नगरीए भद्दा णामं सत्थवाही परिवसइ अड्डा जाव अपरिभूआ, तीसे गं भद्दाए । सत्थवाहीए पुत्ते धन्ने नामं दारए होत्या अहीण जाव सुरूवे पंचधातीपरिग्गहिते तं०-खीरघाती जहा मह-1 ब्बले जाव बावत्तरि कलातो अहीए जाव अलंभोगसमत्थे जाते यावि होत्या, तते णं सा भद्दा सत्यवाही धन्नं दारयं उम्मुक्कबालभावं जाव भोगसमत्थं वावि जाणेत्ता बत्तीसं पासायवडिंसते कारेति अब्भुग्गत-18 मूसिते जाव तेसिं मज्झे भवणं अणेगखंभसयसन्निविट्ठ जाव बत्तीसाए इन्भवरकन्नगाणं एगदिवसेणं पाणि गेहावेति २ बत्तीसओ दाओ जाव उप्पिंपासाय० फुटेंतेहिं जाव विहरति, तेणं कालेणं २ समणे० समोसढे 2 परिसा निग्गया राया जहा कोणितो तहा जियसत्तू णिग्गतो, तते णं तस्स धन्नस्स तं महता जहा जमाली १ तहा णिग्गतो, नवरं पायचारेणं जाव जं नवरं अम्मयं भदं सत्थवाहिं आपुच्छामि, तते णं अहं देवाणुप्पियाणं है अंतिते जाव पव्वयामि जाव जहा जमाली तहा आपुच्छइ मुच्छिया वृत्तपंडिवुत्तया जहा महब्बले जाव जाहे णो संचाएति जहा थावच्चापुत्तो जियसत्तुं आपुच्छति छत्तचामरातो० सयमेव जियसत्तू णिक्खमणं करेति || जहा थावच्चापुत्तस्स कण्हो जाव पव्वतिते. अणगारे जाते ईरियासमिते जाव बंभयारी, तते णं से धन्ने अणगारे जं चेव दिवसं मुंडे भवित्ता जाव पव्वतिते तं चेव दिवसं समणं भगवं महावीरं वंदति णमंसति २
१ नवरं तृतीयवर्गे 'वृत्तपडिवुत्तय'त्ति प्रव्रज्याग्रहणश्रवणमूर्छितोत्थिताया मातुः पुत्रस्य च परस्परं प्रव्रज्याग्रहणनिषेधनविषया तत्समर्थनविषया चोक्तिप्रत्युक्तिरित्यर्थः, महाबलो भगवत्यां. २ थावच्चापुत्रः पञ्चमे ज्ञाताध्ययने.
Jain Education InterNE
DIww.jainelibrary.org