Anusandhan 2006 06 SrNo 36

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 20

June-2006
15
'बूटडि' श्राविकाव्रतग्रहणविधि ॥ .. नमिऊण महावीरं दसणमूलं गिहत्थधम्ममहं । गिन्हामि सव्वभवकय-मिच्छत्ताविरइपडिकमणो(णा) ॥१॥
अरहंतो मह देवो जावज्जीवं सुरिंदकयसेवो । जिणपन्नत्तो धम्मो गुरू जिणाणाठिया साहू ॥२॥ लोइयमिच्छं वज्जे तिविहं तिविहेण भावओ सव्वं । दव्वे कुह(जह)सत्तीए दक्खिन्नायंकमाईहिं ॥३॥ धम्मत्थमन्नतित्थे न करे तव-न्हाण-दाण-होमाई । जिणवंदणं तिवेलं संखेवेणमा(संखेवेणं ?) करिस्सामि ॥४॥ तंबोल-पाण-भोअण-पाणह-त्थी-भोग-सुयण-निट्ठवणं । मुत्तुच्चारं जूयं वज्जे जिणनाहगभ(ब्भ)हरे ॥५॥ पाणिवह १ मुसावाए २ अदत्त (३) मेहुण ४ परिग्गहे चेव ५ । दिसि६ भोग ७ दंड ८ समइय ९ देस १० पोसह ११ अतिहिदाणे ॥६॥ जावज्जीवं जीवं थूलं संकप्पियं निरवराहं । मणवायाकाएहिं न हणेमि अहं न य हणावे ॥७॥ नर तिरि देहगयाणं गंडोलाईण पाडणे जयणं । काहं जलूयलाणे वहचिंता-भास-चिट्ठासु ॥८॥ कन्नागोभूमिगयं नासवहारं च कूडसक्खि च । मूलमलीयं दुतिहं वज्जे मोत्तुं सयणकज्जं ॥९।। खत्तष(ख)णणाई चोरंकारकरं रायनिग्गहकरं च । जं तिन्नं तं मणवयतणूहिं न करे न य करावे ॥१०॥ संघासुकज्ज-लहणिज्ज-दिज्ज-पडिकियविराडववहारे । निहि-साहु-सयणसुंके बीए तइए वए जयणा ॥११॥ वज्जे दुतिहं दिव्वं एगतिहं तिरिय-मणुयमेगेगं । महत्तं (? मेहुन्नं) मासं पइ दिनपनरससंतभज्जाए ॥१२॥ खेत्तं वत्थं रुप्पं कणगं धण-धन-दुपय-चउपायं । कुवियं परिग्गहे नव-विहेगतिविहं करेमाणं ॥१३॥