Anusandhan 2006 06 SrNo 36

Author(s): Shilchandrasuri
Publisher: Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad

Page 24

June-2006
19
दुब्भिक्ख-धरण-ओसह-चंदग्गह-देसभंग-आयंके । अद्धाण-नास-गुरु-संघ-कज्जपमुहं च मुत्तूणं ।।५७।। अन्नत्थ अणाभोगा सहस्सागारा य महत्तरागारा । सव्वसमाहीपच्चय-आगाराउ(ओ)य मह नियमा ।।५८।। समणोवासगधम्मे आरंभजथूलजीवघायाइ । जं किंचि मुक्कलं मु(म)ह तंपि न जा विरइपरिणामो ||५९।। सम्मइंसणमूलो वयखंधो गुणविसालसाहालो । गिहिधम्मकप्परुक्खो सिवसुहफलओ लहुं होउ ॥६०॥ अरहंत-सिद्ध-साहू-सुदिट्ठिसुर-अप्पसक्खिगिहधम्म । बारसचउरासीए बूटडि पडिवज्जए सम्मं ॥६१।।
'लखमसिरी' श्राविका व्रतग्रहणविधि ॥ नामिऊण महावीरं दंसणमूलं गिहत्थधम्ममहं । गिन्हामि सव्वभवकयमिच्छत्ताविरइपडिकमणो(णा) ॥१॥
अरहंतो मह देवो जावज्जीवं सुरिंदकयसेवो । जिणपन्नत्तो धम्मो गुरू जिणाणाठिया साहू ॥२॥ लोइयमिच्छं वज्जे तिविहं तिविहेण भावओ सम्मं । दव्वे जहसत्तीए दक्खिन्नाइहिं माईहिं (दक्खिन्नायंकमाईहिं) ॥३॥ धम्मत्थमन्नतित्थे न करे तवन्हाणदाणहोमाई । जिणवंदणं तिवेलं संखेवेण वि करिस्सामि ॥४॥ तंबोल-पाण-भोयण-पाणह-त्थीभोग-सुयण-निट्ठवणं । मुत्तुच्चारं जूयं सवसो वज्जेसि (? मि) जिणभवणे ।।५।। पाणवह १ मुसावाए २ अदत्त ३ मेहुण ४ परिग्गहे चेव ५ । दिसि ६ भोग ७ दंड ८ समईय ९ देसे १० पोसह ११ अतिहिदाणं १२ ।।६।। जावज्जीवं [जीवं] थूलं संकप्पियं निरवराहं । मणवायाकाएहिं न हणेमि अहं न य हणावे ॥७॥ नरतिरिदेहगयाणं गंडोलाईण पाडणे जयणं । काहं जलोयलाणे वहचिंताभासचिट्ठासु ।।८।।