Book Title: Anangpavittha Suttani Bio Suyakhandho Author(s): Ratanlal Doshi, Parasmal Chandaliya Publisher: Akhil Bharatiya Sadhumargi Jain Sanskruti Rakshak SanghPage 10
________________ जंबद्दीवपण्णत्ती पतमो वक्खारो णमो अरिहंताणं णमो सिद्धाणं णमो आयरियाणं णमो उवज्झायाणं णमो लोए सव्वसाहूणं / तेणं कालेणं तेणं समएणं मिहिला णामं णयरी होत्था, रिद्धस्थिमियसमिद्धा वण्णओ / तीसे णं मिहिलाए णयरीए बहिया उत्तरपुरस्थिमे दिसीभाए एत्थ णं माणिभद्दे णामं चेइए होत्था, वण्णओ। जियसत्तू राया, धारिणी देवी, वण्णओ / तेणं कालेणं तेणं समएणं सामी समोसढे, परिसा णिग्गया, धम्मो कहिओ, परिसा पंडिगया // 1 // तेणं कालेणं तेणं समएणं समणरस भगवओ महावीरस्स जेटे अंतेवासी इंदभूई णामं अणगारे गोयमगोत्तेणं सत्तुस्सेहे समचउरंससंठाणे जाव [तिक्खुत्तो आयाहिणं पयाहिणं करेइ 2 त्ता वंदइ णमंसइ वंदित्ता णमंसित्ता एवं वयासी-कहि णं भंते ! जंबुद्दीवे 2 ? केमहालए णं भंते ! जंबुद्दीवे 2 ? किंसंठिए णं भंते ! जंबुद्दीवे 2 ? किमायारभावपडोयारे णं भंते ! जंबुद्दीवे 2 पण्णत्ते ?, गोयमा ! अयण्णं जंबुद्दीवे 2 सव्वदीवसमुद्दाणं सव्वमंतरए सव्वखुड्डाए वट्टे तेल्लापूयसंठाणसंठिए वट्टे रहचकवालसं ठाणसंठिए व? पुक्खरकण्णियासंटाणसंठिए बट्टे पडिपुण्णचंदसंठाणसैठिए एगं जोयणसयसहस्सं आयामविक्खंभेणं तिण्णि जोयणसयसहस्साइं सोलस सहस्साइं दोषिण यं सत्तावीसे जोयणसए तिण्णि य कोसे अट्ठावीसं च धणुसयं तेरस यः अंगुलाई अद्वंगुलं च किंचि विसेसाहिए परिक्खेवेणं पण्णत्ते // 2-3 // से णं एगाए वइरामईए जगईए सव्वओ समंता संपरिक्खित्ते, सा णं जगई अट्ट जोयणाई उड्ढे उच्चत्तेणं मूले बारस जोयणाई विक्खंभेणं मज्झे अट्ठ जोयणाई विक्खंभेणं उवरिं चत्तारि जोयणाई विखंभेणं मूले विच्छिष्णा मज्झे संखित्ता उवरि तणुया गोपुच्छसंठाणसंठिया सव्ववइरामई अच्छा सण्हा लण्हा घट्ठा मट्ठा णीरया णिम्मला णिका णिक्कंकडच्छाया सप्पभा सस्सिरीया सउज्जोया 'पासाईया दरिसणिजा अभिरूवा पडिरूवा, सा णं जगई एगेणं महंतगवक्खकडएणं सव्वओ समंता संपरिक्खित्ता, से णं गवक्त्रकडए अद्धजोयणं उड़े उच्चत्तेणं पंच धणुसयाई विक्खंभेणं सव्वरयणामए अच्छे जाव पडिरूवे, तीसे णं जगईए एप्पिंPage Navigation
1 ... 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 ... 746