Book Title: Anangpavittha Suttani Bio Suyakhandho Author(s): Ratanlal Doshi, Parasmal Chandaliya Publisher: Akhil Bharatiya Sadhumargi Jain Sanskruti Rakshak SanghPage 19
________________ 610 अनंगपविट्ठसुत्ताणि सद्भा वियाहिया ? गोयमा ! असंखिजाणं समयाणं समुदयसमिइसमागमेणं सा एगा आवलियत्ति बुच्चइ संखिजाओ आवलियाओ ऊसासो संखिजाओ आवलियाओ णीसासो, गाहा-हट्ठस्स अणवगलस्स, णिरुवकिट्ठस्स जंतुणो / एगे ऊसासणीसासे, एस पाणुत्ति बुच्चइ // 1 // सत्त पाणूई से थोवे, सत्त थोवाई से लवे / लवाणं सत्तहत्तरीए, एस मुहुत्तेत्ति आहिए // 2 // तिण्णि सहस्सा सत्त य सयाई तेवत्तरिं च ऊसासा / एस मुहुत्तो भणिओ सव्वेहि अणतणाणीहिं // 3 // एएणं मुहुत्तप्पमाणेणं तीसं मुहत्ता अहोरत्तो पण्णरस अहोरत्ता पक्खो दो पक्खा मासो दो मासा उऊ तिण्णि उऊ अयणे दो अयणा संवच्छरे पंचसंवच्छरिए जुगे वीसं जुगाइं वाससए दस वाससयाई वाससहस्से सयं वाससहस्साणं वांससयसहस्से चउरासीइं वाससयसहस्साई से एगे पुव्वंगे चउरासीई. पुव्वंगसयसहस्साइं से एगे पुव्वे एवं बिगुणं बिगुणं णेयव्वं तुडियंगे 2 अडडंगे 2 अववंगे 2 हूहूयंगे 2 उप्पलंगे 2 पउमंगे 2 णलिणंगे 2 अत्थिणिउरंगे 2 अउयंगे 2 णउयंगे २.पउयंगे 2 चूलियंगे 2 जाव चउरासीइं सीसपहेलियंगसयसहस्साइं सा एगा सीसपहेलिया एताव ताव गणिए एताव ताव गणियस्स विसए तेण परं ओवमिए // 18 // से कि तं ओवमिए ? 2 दुविहे पण्णत्ते, तंजहा-पलिओवमे य सागरोवमे य, से किं तं पलिओवमे ? पलि ओवमस्स परूवणं करिस्सामि, परमाणू दुविहे पण्णत्ते, तंजहा-सुहुमे य ववहारिए य, अणंताणं सुहुमपरमाणुपुरगलाणं समुदयसमिइसमागमेणं ववहारिए परमाणू णि फजइ तत्थ णो सत्थं कमइ-सत्थेण सुतिक्खेणवि हेत्तुं भित्तुं च जं किर ण सका। तं परमाणु सिद्धा वयंति आई पमाणाणं // 1 // अणंताणं ववहारियपरमाणूणं समुदयसमिइसमागमेणं सा एगा उस्सहसण्हियाइ वा सहसण्हियाइ वा उड्ढरेणूइ वा तसरेणूइ वा रहरेणूइ वा वालग्गेइ वा लिक्खाइ वा जूयाइ वा जवमज्झेइ वा उस्सेहंगुलेइ वा, अट्ठ उस्सण्हसण्हियाओ सा एगा सहसण्हिया अट्ठ सहसण्हियाओ सा एगा उड्डरेणू अट्ठ उड्डरेणूओ सा एगा तसरेणू अट्ट तसरेणूओ सा एगा रहरेणू अट्ठ रहरेणूओ से एगे देवकुरुत्तरकुराण मणुस्साणं वालग्गे अट्ठ देवकुरूत्तरकुराण मणुस्साण वालगे से एगे हरिवासरम्मयवासाण मणुस्साणं वालग्गे एवं हेमवयहेरण्णवयाण मणुस्साणं पुव्वविदेहअवरविदेहाणं मणुस्साणं वालग्गा सा एगा लिक्खा अट्ट लिंक्खाओ सा एगा जूया अट्ठ जूयाओ से एगे जवमज्झे अट्ठ जवमज्झा से एगे अंगुले एएणं अंगुलम्पमाणेणं छ अंगुलाई पाओ बारस अंगुलाई विहत्थी चउवीसं अंगुलाई रयणीPage Navigation
1 ... 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 ... 746
