________________
આત્મજ્ઞાનનું પાન કરો, આત્માનો અનુભવ કરો. આત્માના અનુભવથી તમને ખાત્રી થશે કે પંથ સંઘડાવાળાના મતભેદોથી ભૂતકાળમાં કોઈ જીવ તર્યા નથી તો વર્તમાનકાળમાં તમે ક્યાંથી તરશો? ભવજળ તરવાનું સાધન માત્ર શ્રી જૈનધર્મ અને મહાવીર શાસન છે. મન, પંથ, સંઘડાના ચૂંથણા છોડી દઈને શ્રી મહાવીર શાસન અને જૈનધર્મની વિજયધ્વજા ફરકે તેમ વર્તવુ જોઈએ. શ્રી શ્રમણભગવાન મહાવીરસ્વામીએ જુદા જુદા મતભેદ વાડા બાંધવાની કોઈપણ આચાર્યને આજ્ઞા આપી નથી. કોઈ પણ મતભેદ, વાડા-સંઘડામાં રહેવાથી કે તેમાં ભણવાથી આત્માની ઉન્નતિ થતી નથી, ઉલટી અધોગતિ થાય છે. આચાર અહિંસા અને વિચારે અનેકાંતનો પાઠ માત્ર બોલીને નહીં પરંતુ ક્રિયાત્મક પાઠ ભણાવવાની પૂ. શ્રીની ઉત્તમ અભિલાષા તેઓએ સતત વ્યક્ત કરી, જૈન સમાજ ઉપર મહાન ઉપકાર કર્યો છે.
અમૃત ધારા
૯૯
