Agamni Olakh

Author(s): Vijaykirtiyashsuri
Publisher: Sanmarg Prakashan

Page 4

પૂ.આ.શ્રી.વિજયગુણયશસૂરીશ્વરજી મહારાજાને સમર્પણમ, પિતાશ્રી મળો તો આવા જ મળો !' એમ પરમાત્માને કરાતી પ્રાર્થનામાં જરૂર માગી શકાય - એવા પિતાશ્રી રૂપે મારા શિરછત્ર બનનારા સુશ્રાવક શ્રી ગગલભાઈ સ્વરૂપચંદ વોહરા' માંથી “પૂજ્ય આચાર્યશ્રી વિજયગુણયશસૂરીશ્વરજી મહારાજા' તરીકેના મારા સર્વાધિક સન્નિકટ સ્વજન, સંસારમાંય સંયમલક્ષી અને સંયમમાંય સુવિહિત જ્ઞાન-ક્રિયામાર્ગના સંરક્ષણપક્ષી વર્ધમાન તપોનિધિ, ગુરુગચ્છવિશ્વાસધામ, અપ્રતિમ ગુરુસેવાસુશ્રુષા-વૈયાવચ્ચકારક, ગુરુપ્રદત્ત મુમુક્ષુ અને મુનિમંડળના અદ્વિતીય સંસ્કારદાતા, તપ-ત્યાગ-તિતિક્ષા અને તાત્ત્વિકતાની ચતુર્દિકુ - પ્રતિમા, આયોજનમૂર્તિ, વાત્સલ્યમયી માતા અને અનુશાસનમય પિતા, કરુણામય કલ્યાણમિત્ર અને પ્રેરણામય પાઠક, માંગલ્યમય મુનિતા અને સાર્વત્રિક પ્રભાવમય સૂરિતાના સુંદર સંગમ, ગુરુઆજ્ઞાને નિર્વિકલ્પ ‘તહત્તિ' કરવા દ્વારા ગુરુનો બોધ અંતરના આદર્શ પર અંકિત કરનારા અને અવિરત અલકનંદાની જેમ અખંડ પ્રવાહ વહેતા ગુરુપ્રસાદથી જીવનભર પ્રસન્નતાનો પમરાટ અનુભવી જીવનના સમાપનની શુભવેળાએ ચતુર્વિધ શ્રીસંઘની સાક્ષીમાં સહજ સમાધિને પામી સદ્ગતિના સ્વામી બની શિવગતિની વાટે સંચરનારા ભવતારક ગુરુદેવ પૂજ્યપાદ આચાર્યદેવેશ શ્રીમદ્ વિજય ગુણયશસૂરીશ્વરજી મહારાજા ! આપના મેરુ જેવડાં પગલામાં મારા મણિ જેવડાં નાનકડાં પગલાં દબાવી દબાવીને ચાલતાં ચાલતાં, પરમગુરુદેવે દીધેલાં “સંયમરત્ન'ની સંપ્રાપ્તિની ક્ષણને 50 વર્ષ પૂર્ણ થઈ રહ્યાં છે ત્યારે કૃપાદેહે સદેવ મારી સાથે ને મારા માથે મારી સ્મૃતિમાં અને મારી સંવેદનામાં વસતા આપશ્રીના કરકમળમાં આ શ્રુતપુષ્પનું અર્પણ કરી કૃતાર્થ બનું છું. આપનો બાળ : વિજયકીર્તિયશસૂરિ 3