Book Title: Agam Suttani Satikam Part 16 Nishitha
Author(s): Dipratnasagar, Deepratnasagar
Publisher: Agam Shrut Prakashan
View full book text
________________
उद्देशक : १२, मूलं - ७५९, [ भा. ४०५७]
३१९
चू- जाहे पणगपरिहाणीए चउलहुं पत्तो ताहे पासत्थेसु पुव्वं विज्जमंते सुहुमाए करेति, पच्छा अचित्तदव्वेहिं, पच्छा सचित्तेहि, तं पि पुव्वं पुरिसेसु, पच्छा इत्थियासु पच्छा इत्थियासु, तओ नपुंसेसु । “देस” त्ति पच्छा देसविरतेसु एवं चेव, ततो अविरते, अप्पबहुचिंताए वा अत्थो उवउज्ज वत्तव्वो ॥
मू. (७६०) जे भिक्खू पुरकम्मकडेण हत्थेण वा मत्तेण वा दव्विएण वा भायणेण वा असनं वा पानं वा खाइमं वा साइमं वा पडिग्गाहेइ, पडिग्गाहेतं वा सातिज्जति ।।
चू- इमो सुत्तत्थो
[भा. ४०५८ ] हत्थेण व मत्तेण व, पुरकम्मकरण गेण्हती जो उ । आहारउवधिमादी, सो पावति आणमादीणि ॥
चू- पुरस्तात् कर्म पुरेकर्म, पुरे कम्मकरणं हत्थेण मत्तेण य चउभंगो । हस्तेन मात्रकेण । हस्तेन, न मात्रकेण । न हस्तेन, मात्रकेण । न हस्तेन, न मात्रकेण । पढमभंगे दो चतुलहुया बितियततिएसु एक्केक्के चतुलहुं, चरिमो सुद्धो । उदउल्ले तिसु वि भंगेसु मासलहुया, ससनिद्धेसु तिसु भंगेसु पंचरातिंदिया ।। इमो सुत्ताफासो
[भा. ४०५९ ] पुरकम्मम्मि य पुच्छ, किं कस्सारोवणा य परिहरणा । एएसि चउन्हं पी, पत्तेयपरूवणं वोच्छं ॥
चू- किमिति परिप्रश्ने । किं पुरेकम्मं ? कस्स वा भवति ? का वा पुरेकम्मे आरोवणा ? कह वा पुरेकम्मं परिहरिज्जति ? ॥ चोदकाह
[भा. ४०६०] जति जं पुरतो कीरति, एवं उत्थाण-गमणमादीणि ।
होति पुरेकम्मं ते, एमेव य पुव्वकम्मे वि ॥
चू- साधुस्स भिक्खत्थिणो घरंगणमागतस्स जति जं पुरतो कीरति तं पुरेकम्मं । एवं दातारस्स जाओ उट्ठाण-गमण-कंडणादियाओ किरियाओ सव्वाओ पुरेकम्मं पावति । अह पुव्वं कम्मं एवं समासो कज्जति, इहाप्येवमित्यर्थः ॥ किं चान्यत् ? चोदक एवाह
[ भा. ४०६१] एवं फासुमफासं, न जुज्जते न वि य कायसोही ते । हंदि हुबहूणि पुरतो, कीरंति कताणि पुव्वं च ॥
चू-दुधा विपञ्चक्खपरोक्खसमासकरणे एसनमनेसनीयं न नज्जति, कर्मण अनेकार्थसंभवात्, अनज्ज्रमाणे य सोही न भवति । हंदीत्येवं, हु गुर्वामंत्रणे, एवं हे गुरू । बहुणि पुरतो कीरंति बहूणि य पुव्वं दायगेण कयाणि सव्वाणि तेंदाणिं पुरेकम्मं पावंति ।। आचार्याह
[भा. ४०६२] कामं खलु पुरसद्दो, पञ्चक्खपरक्खतो भवे दुविहो । तह वि य न पुरेकम्मं, पुरकम्मं चोयग ! इमं तु ॥
चू-चोदक! अभिप्रेतार्थानुमते कामशब्दः, पादपूरणे खलु एवशब्दे वा । पच्चक्खपरोक्खकया दायगेण गमणादिया पुरेकम्मं न भवति ॥ इमं भवति
[भा. ४०६३ ] हत्थं वा मत्तं वा, पुव्वं सीओदएण जो धोवे ।
समणट्टयाए दाता, तं पुरकम्मं वियाणाहि ।।
चू-सीतोदगं सचित्तं, तेन जो दायगो हत्थमत्ते धोवति समणट्ठा एयं पुरेकम्मं ॥ “किं” ति
For Private & Personal Use Only
www.jainelibrary.org
Jain Education International
Page Navigation
1 ... 320 321 322 323 324 325 326 327 328 329 330 331 332 333 334 335 336 337 338 339 340 341 342 343 344 345 346 347 348 349 350 351 352 353 354 355 356 357 358 359 360 361 362 363 364 365 366 367 368 369 370 371 372 373 374 375 376 377 378 379 380 381 382 383 384 385 386 387 388 389 390 391 392 393 394 395 396 397 398 399 400 401 402 403 404 405 406 407 408 409 410 411 412