Agam Suttani Satikam Part 16 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 393

३९०
निशीथ - छेदसूत्रम् -२-१३/८५९
जइ विज्जापिडं इच्छह तो अहं वत्थगुलघयादीणि दवावेमि । साहूहिं अब्भुवगतं । सो साहू भिक्खूउवासगधरंगतो ।। [ भा. ४४५८ ]
तुं विज्ञामंतण, किं देमी घयगुल य वत्थादी । दिन्ने पडिसाहरणं, केन हितं केण मुट्ठो मि ।।
चू- विज्जा आमंतेउं उवासगो वसीको भणति - अज्जो किं देमि ते ? साहू - “घयगुलवत्थे विविधे य खज्जगे ।” ताहे तेन भिक्खुउवासगेण हट्ठतुट्ठेण साहू पडिलाहिता गता । तेन साहुणा दिन्ने विज्जाए उवसंचारो कतो । उव्वासगो चेतणलद्धो सत्थीभूतो भणाति - "केण मे हडं, केण वा मुट्ठोत्ति । ताहे तस्स परिजणो आतिक्खति "तुमे सहत्थेण सेयभिक्खूणं दिन्नं ति ॥ ताहे सो[भा. ४४५९ ] पडिविज्जथंभणादी, सो वा अन्नो व से करेज्जा हि । पावाजीवी मादी, कम्मणकारी भवे बिति ॥
- जस्स सा पत्ता विज्जा से वा अन्नो वा कोति रत्तपडादी साधू वा थंभेज्जा, पडिविज्जाए वच्छाइ वा थभेज्जा जहा नोवभुंजेज्जा । अहवा-यस्य प्रयुक्ताविद्या सो अवसीकतो चेव पडिविज्जाए साहुं विजं वा थंभेज, अन्नो वा कोइ से उवकारकारी पडिविज्जातो विज्जं साधुं वा थंभेज्ज, एवं उड्डाहो । अन्नं च सो वा अन्नो वा लोगो भणेज्जा - “एते पावजीविनो मायाविनो कम्मणाणि य करेंति, न साहुवित्तिणो एते ।" भवे बितियपदेण विज्ञापयोगा, असिवादिकारणेहि न दोसो ॥ "मंतम्मि सीस" पच्छद्धं, अस्य व्याख्या
[भा. ४४६० ] जह जह पएसिणि जाणुयम्मि पालित्ततो भमाडेति ।
तह तह सीसे वियण, पनासति मुरुंडरायस्स ।।
चू- मुरुंडी राया, सीसवेयणत्तो जया वेज्जेहिं न सक्किओ पन्नवेउ ताहे पालित्तायरियं हक्कारेति, सो आगतो, आसणत्थो मुरुडेण भणिओ - वेदनं मे अवनेहि, ताहे अप्पसागारियं अप्पणो जाणुंसि मंतं झायंतो पदेसिणि अंगुलिं भमाडेति जहा जहा तहा तहा मुरुंडरयस्स सीसे वेयणा पणस्सति, अवगयवेयणो दिट्ठसंपञ्च्चयो गुरुस्स पाएसु पडितो ॥ एवमादी मंतपओगे इमे दोसापडिमंतथंभणादी, सो वा अन्नो व से करेज्जाहि ।
[भा. ४४६१]
पावाजीवी मायी, कम्मणकारी भवे बीतिए ।
मू. (८६०) जे भिक्खू जोगपिंडं भुंजति, भुंजंतं वा सातिज्जति ॥ चू- पादलेवादिजोगेहिं आउट्टेउं जो पिडं उप्पादेति तस्स आणादी ङ्क । [भा. ४४६२ ] जे भिक्खू जोगपिंडं, भुंजेज सयं तु अहव सातिजे । सो आणा अणवत्थं, मिच्छत्त-विराधनं पावे ॥
चू- ते य जोगा इमेरिसा[भा. ४४६३]
सूभगदूभग्गकरा, जे जोगाऽऽहारिमे य इतरे य । आघंस वास धूवा, पादपलेवाइणो इतरे ॥
चू-दूभगो सुभगो कजति, सुभगो वा दुब्भगो कज्जति जोगेणं । ते य जोगा आहारिमा होज्जा, इतरे अनाहारिभा वा । अनाहारिमा इमे - सरीरं आधस्संति जहा चदनेनं, वत्थं वासवासियं दिज्जति, अगरुमादिणा वा जहा धूविज्जति, पादतलं वा लेविज्जति तेन दूरं जलोवरि वा गम्मति ॥
तत्थिमं उदाहरणं