Agam Suttani Satikam Part 16 Nishitha

Author(s): Dipratnasagar, Deepratnasagar
Publisher: Agam Shrut Prakashan

Page 392

उद्देशक : १३, मूलं - ८५५, [भा. ४४५१ ]
३८९
भायणं उड्डेति । इत्थीभणितो - "कम्मं करेहि" त्ति । ताहे पडिभणति - "हंद अन्नयं हंद” त्ति । " गेण्ह अन्नयं त्तभंडं”, एयं गेण्ह, जा कम्मं करेमीत्यर्थः । एते छ पुरिसा अधमा । एतेसिं हत्थातो न हामि । ताहे जनेन कलकलो कतो - एस छहिं वि गुणेहिं जुत्तो त्ति ॥ इंददत्तो भणति[भा. ४४५२ ] जायसुन एरिसो हं, इट्टगा देहि पुव्वमतिगंतुं । माला उत्तारे गुलं भोएमो दिए तइ दुरूढा ॥
- ताहे खुडुगेण भणियं - इट्टगा देहि । तेन अब्भुवगयं देमि । जाहे घरसमीवं गतो, ताहे खुड्डुगं घरासन्ने अप्पसागारियं ठवेउं, अप्पणो पुव्वं घरं पविट्ठो अगारिं भणति - मालाओ गुलं उत्तारेहि त्ति, जेण बंभणे भुंजावेमो । ताहे सा अगारी मालं आरूढा, तीए गुलो समप्पितो, भणिया- “उवरि गुलभायणं संजीहराहि "त्ति, सा गुलभायणं संजीहरी गता । इयरेणावि[भा.४४५३] सितिअवणण पडिलाभण दिस्सितरी बोल अंगुली नासं । दोण्हेक्कतरपदोसे, आतविवत्ती य उभए य ॥
चू- निसेणी फेडता खुड्डो हक्कारितो पडिलाभिउं पयत्तो । बहुपाडलाभिए अगारिए दिट्ठ, रोलं करेति " मा देहि "त्ति भणाति । ताहे खुड्डो अप्पणी सागारियं सन्नेउं अंगुलिं नासियाए पक्खिवति, "नासिगाए ते मोयं कयं " ति । पडिलाभितो गतो खुड्डो । एस मानपिंडो । इमे दोसा - सा अगारी दोन्हं एगतरस्स पदोसं गच्छति साहुस्स भत्तुणो बा । अगारी अभिमानतो अप्पानं विहाडेज्ज । अहवा - रुट्ठा साहुस्स भत्तुणो वा उभयस्स वा विसं गरं वा दाउं विहाडेज्जा ।। इमं बितियपदं
[भा. ४४५४ ]
असिवे ओमोयरिए, रायदुट्टे भए व गेलन्ने । अद्धाण रोहए वा, जयणाएं एसए भिक्खू ॥ मू. (८५६) जे भिक्खू मायापिंडं भुंजति, भुंजंतं वा सातिज्जति ॥ मू. (८५७) जे भिक्खू लोभपिंडं भुंजति भुंजंतं वा सातिज्जति ।। मू. (८५८) जे भिक्खू विज्जापिंडं भुंजति, भुंजंतं वा सातिज्जति ।। मू. (८५९) जे भिक्खू मंतपिंडं भुंजति, भुंजंतं वा सातिज्जति ।। चू-विज्जामंतेहि पिंडं जो उप्पाएति तस्स आणादिया दोसा चउलहुं च । [ भा. ४४५५] विज्जाए मंतेण व, जो उप्पाइऊण गिण्हए भिक्खू । सो आणा अणवत्थं मिच्छत्त-विराधनं पावे ॥ [भा. ४४५६] विज्जामंतपरूवण, विज्जाए भि (च्छु) क्खुवासिओ होइ । मंतम्मि सीसवेयण, तत्थ मरुंडेण दिट्ठतो ॥
चू- इत्थिअभिधाणा ससाधणा वा विज्जा, पुरिसाभिहाणो पढियसिद्धो य मंतो । विज्जाए भिक्ख उवासगो उदाहरणं । इमं
[ भा. ४४५७ ] परिपिंडितमुल्लावो, अतिपंतो भिक्खुवासतो दाने । जति इच्छह जाण अहं, वत्थादीणं दवावेमि ॥
चू-बहू साधू इतरकहाए अच्छंता पिंडिता उल्लावं करेंति-"एस भिक्खुउवासगो अतिपंतो, अभिग्गहियमिच्छदिट्ठी, साहुवग्गन्स दानं न देति ।" एवं साहू उल्लावेति । एगेण साहुणा भणितं -