Agam Suttani Satikam Part 08 Vipakshrut Auppatik Rajprashniya Sutram

Author(s): Dipratnasagar, Deepratnasagar
Publisher: Agam Shrut Prakashan

Page 340

३३७
मूलं - ६७
२ त्तातं अउकुंभी किमिकुंभिंपिव पासामि नो चेव णं तीसे अउकुंभीए केइ छिड्डेइ वा जावराई वा जताणं ते जीवा बहियाहिंतो अणुपविट्ठा, जति णं तीसे अडकुंभीए होज केइ छिड्डेइ वा जाव अणुपविट्ठा तेणं अहं सहेजा जहा अन्नो जीवो तं चैव, जम्हा णं तीसे अउकुंभीए नत्थि कोइ छिड्डेइ वा जाव अणुपविट्ठा तम्हा सुपतिट्ठिआ मे पन्ना जहा तं जीवा तं सरीरं तं चैव ।
तणं केसीकुमारसमणं पएसीं रायं एवं वयासी-अत्थि णं तुमे पएसी ! कयाइ अए धंतपुव्वे वा धमावियपुव्वे वा ? हंता अत्थि, से नूनं पएसी! अए धंते समाणे सव्वे अगनिपरिणए भवति ?, हंता भवति, अत्थि णं पएसी ! तस्स अयस्स केइ छिड्डेइ वा जेणं से जोई बहियाहिंतो अंतो अणुपविट्ठे ?, नो इट्टे समट्टे, एवामेव पएसी ! जोवीऽवि अप्पडिहयगई पुढविं भिचा सिलं भिच्चा बहियाहिंतो अणुपविसइ, तं सद्दहाहि गं तुमं पएसी ! तहेव ४ ॥
मू. (६८) तए णं पएसी राया केसीकुमारसमणं एवं वयासी-अत्थि णं भंते! एस पन्ना उवमा इमेण पुण मे कारणेणं नो उवागच्छइ, अत्थि णं भंते !
- से जहानाम केई पुरिसे तरुणे जाव सिप्पोवगए पभू पंचकंडगं निसिरित्तए ? हंता पभू जति णं भंते! सोच्द्येव पुरिसे बाले जाव मंदविन्नाणे पभू होज्जा पंचकंडगं निसिरित्तए, तो णं अहं सद्दहेज्जा ३ जहा अन्नो जीवो तं चेव, अम्हा णं भंते! स चेव से पुरिसे जाव मंदविन्नाणे नो पभू पंचकंडयं निसिरित्तए तम्हा सुपइट्ठिया मे पन्ना जहा तं जीवो तं चेवा तए णं केसीकुमारसमणे पएसिं रायं एवं वयासी
से जहानामए केइ पुरिसे तरुणे जाव सिप्पोवगए णवएणं धणुणा नवियाए जीवाए नवएणं इसुणा पभू पंचकंडगं निसिरित्तए ?, हंता, पभू, सो चेव णं पुरिसे तरुणे जाव निउणसिप्पोवगते कोरिल्लिएणं धणुणा कोरिल्लियाए जीवाए कोरिल्लिएणं उसुणा पभू पंचकंडगं निसिरित्तए ?, नो तिणट्टे समट्टे ।
कम्हाणं ?, भंते! तस्स पुरिसस्स अपजत्ताइं उवगरणाई हवंति, एवामेव पएसी ! सो चेव पुरिसे बाले जाव मंदविन्नाणे अपजत्तोवगरणे, नो पभू पंचकंडयं निसिरित्तए, तं सद्दहाहि णं तुमं पएसी ! जहा अन्नो जीवो तं चेव ५ ।
मू. (६९) तए णं पएसी राया केसीकुमारसमणं एवं वयासी - अत्थि णं भंते ! एस पन्नाउवमा इमेण पुण कारणेणं नो उवागच्छइ, भंते! -
- से जहा नामए केइ पुरिसे तरुणे जाव सिप्पोवगते पभू एगं महं अयभारगं वा तउयभारगं वा सीसगभारगं वा परिवहित्तए ?, हंता पभू, सो चेव णं भंते! पुरिसे जुन्ने जराजज्जरियदेहे सिढिलवलितयाविणट्ठगत्ते दंडपरिग्गहियग्गहत्थे पविरलपरिसडियदंतसेढी आउरे किसिए पिवासिए दुब्बले किलंते नो पभू एगं महं अयभारगं वा जाव परिवहित्तए ।
जति णं भंते! सच्चेव पुरिसे जुन्ने जराजजरियदेहे जाव परिकिलंते पभू एगं महं अयभारं वा जाव परिवहित्तए तो णं सद्दहेज्जा ३ तहेव, जम्हा णं भंते! से चेव पुरिसे जुम्मे जाव किलंते नो पभू एगं महं अयभारं वा जाव परिवहित्तए तम्हा सुपतिट्ठिता मे पन्ना तहेव ।
तए णं केसीकुमारसमणे पएसिं रायं एवं वयासी-से जहानामए केइ पुरिसे तरुणे जाव
822