Agam Sutra Satik 12 Auppatik UpangSutra 01

Author(s): Dipratnasagar, Deepratnasagar
Publisher: Agam Shrut Prakashan

Page 104

मूल- ४५
सू. (४६) मू. (४७)
कण्हे दीवायणे चेव, देवगुत्ते अ नारए ।।
तत्थ खलु इमे अठ्ठ खत्तियपरिव्वायया भवंति, तंजहासीलई ससिहारे (य), नग्गई भग्गई तिअ । विदेहे रायाराया रायारामे बलेति अ ॥
१६३
वृ. कण्ड्वादयः षोडश परिव्राजका लोकतोऽवसेयाः ।
मू. (४८) ते णं परिव्वायगा रिउब्वेदजजुब्वेदसामवेयअहव्वणवेय इतिहासपंचमाणं निग्घंदुछठ्ठाणं संगोवंगाणं सरहस्साणं चउण्हं वेयाणं सारगा पारगा धारगा वारगा सडंगवी सठ्ठितंतविसारया संखाणे सिक्खाकप्पे वागरणे छंदे निरुत्ते जोतिसामयणे अन्नेसु य बंभण्णएसु अ सत्थेसु सुपरिनिठिया यावि हुत्था ।
ते णं परिव्वायगा दानधम्मं च सोअधम्मं च तित्थाभिसेअं च आघवेमाणा पन्न वेमाणा परूवेमाणा विहरंति, जण्णं अम्हे किंचि असुई भवति तण्णं उदएण य मट्टिआए अ पक्खालिअं सुई भवति ।
एवं खलु अम्हे चोक्खा चोक्खायारा सुई सुइसमायारा भवेत्ता अभिसेअजलपूअप्पाणो अविग्घेण सग्गं गमिस्सामो, तेसि णं परिव्वायगाणं नो कप्पइ अगडं वा तलायं वा नई वा वाविं वा पुक्खरिणी वा दीहियं वा गुंजालिअं वा सरं वा सागरं वा ओगाहित्तए, णन्नत्थ अद्धाणगमणे, नो कम्पइ सगडं वा जाव संदमाणिअं वा दूरुहित्ता णं गच्छित्तए ।
तेसि णं परिव्वायगाणं नो कप्पइ आसं वा हत्थि वा उट्टं वा गोणिं वा महिसं वा खरं वा दुरुहित्ता णं गमित्तए, तेसि णं परिव्वायगाणं नो कप्पइ नडपेच्छा इ वा जाव मागपहेच्छा इवा पिच्छित्तए, तेसिं परिव्वायगाणं नो कप्पइ हरिआणं लेसणया वा घट्टणया वा थंभणया वा लूसणया वा उप्पाडणया वा करित्तए ।
तेसिं परिव्वायगाणं नो कप्पइ इत्थिकहा इ वा भत्तकहा इ वा देसकहा इ वा रायकहा इवा चोरकहा इ वा अणत्थदंड करितए, तेसि णं परिव्वायगाणं नो कप्पइ अयपायाइं वा तउअपायाणि वा तंबपायाणि वा जसदपायाणि वा सीसगपायाणि वा रुप्पपायाणि वा सुवण्णपायाणि वा अन्नयराणि वा बहुमुल्लाणि वा धारित्तए, णन्नत्थ लाउपाएण वा दारुपाएण वा मट्टिआपाएण वा तेसिणं परिव्वायगाणं नो कप्पइ अयबंधणाणि वा तउअबंधणाणि वा तंबंबंधणाणि जाव बहुमुल्लाणि धारितए, तेसि णं परिव्वायगाणं नो कप्पइ नानाविहवण्णरागरत्ताइं वत्थाइं धारितए, नन्नत्थ एक्कए धाउरताए ।
तेसि णं परिव्वायगाणं नो कप्पइ हारं वा अद्धहारे वा एकावलिं वा मुत्तावलिं वा कणगावलिं वारयणावलिं वा मुरविं वा कंठमुरविं वा पालंबं वा तिसरयं वा कडिसुत्तं वा दसमुद्दिआनंतकं वा कडयाणि वा तुडियामि वा अंगयाणि वा केऊराणि वा कुंडलाणि वा मउडं वा चूलामणि वा पिणद्धत्तए ।
नन्नत्थ एकेणं तंबिएणं पवित्तएणं, तेसि णं परिव्वायगाणं नो कप्पइ गंधिमवेढिमपूरिमसंघातिमे चउव्विहे मल्ले धारित्तए, नन्नत्थ एगेणं कन्नपुरेणं, तेसि णं परिव्वायगाणं नो कप्पइ अगलुएण वा चंदनेन वा कुंकुमेण वा गायं अनुलिंपित्तए, नन्नत्थ एक्काएगंगामट्टिआए तेसि णं कप्पइ मागहए पत्थए जलस्स पडिगाहित्तए, सेऽविय वहमाणे णो चेव णं अवहमाणे,