Agam Sutra Satik 12 Auppatik UpangSutra 01

Author(s): Dipratnasagar, Deepratnasagar
Publisher: Agam Shrut Prakashan

Page 110

मूलं-५० हिति?, गोयमा ! अम्मडे णं भंते ! परिव्वायए कालमासे कालं किच्चा कहिं गच्छिहिति? कहिंउववजिहिति?, गोयमा ! अम्मडे णं परिव्वायए उच्चावएहिं सीलव्वयगुणवेरमणपञ्चक्खाणपोसहोववासेहिं अप्पाणं भावेमाणे बहूईवासाइंसमणोवासयपरियायं पाउणिहिति २ ता मासियाए संलेहणाए अप्पाणं झूसित्ता सहि भत्ताइं अणसणाए छेदित्ता आलोइयपडिकते समाहिपत्ते कालमासे कालं किच्चा बंभलोए कप्पे देवत्ताए उववजिहिति।
तत्थ णं अत्यंगइयाणं देवाणंदस सागरोवमाइंठिई पन्नत्ता, तत्य गं अम्मडस्सवि देवस्स दस सागरोवमाइं ठिई। से णं भंते ! अम्मडे देवे ताओ देवलोगाओ आउक्खएणं भवक्खएणं ठिइक्खएणं अनतरं चयं चइत्ता कहिं गच्छिहिति कहिं उववजिहिति?, गोयमा! महाविदेहे वासे जाइं कुलाई भवंति अढाई दित्ताई वित्ताई विच्छिन्नविउलभवनसयणनसनजाणवाहणाई बहुधणजायरूवरययाइं आओगपओगसंपउत्ताई विच्छड्डियपउरभत्तपाणाई बहुदासीदासगोमहिसगवेलगप्पभूयाई बहुजनस्स अपरिश्रूयाई तहप्पगारेसु कुलेसु पुमत्ताए पञ्चायाहिति।
तएणंतस्स दारगस्स गब्भत्थस्सचेवसमाणस्सअम्मापिईणंधम्मेदढा पतिण्णा भविस्सइ, से णं तत्थ नवण्हं मासाणं बहुपडिपुन्नाणं अट्ठमाणराइंदियाणं वीइकंताणं सुकुमालपाणिपाए जाव ससिसोमाकारे कंते पियासणे सुरूचे दारए पयाहिति, तए णं तस्स दारगस्स अम्मापियरो पढमे दिवस ठिइवडियं काहिति, बिइयदिवसे चंदसूरदंसणियं काहिंति, छठे दियसे जागरियं काहिंति, एक्कारसमे दिवसे चीतिकंते निम्वित्ते असुइजायकम्मकरणे संपत्ते बारसाहे दिवसे अम्मापियरो इमं एयारूवं गोणं गुणनिप्फन्ने नामधेशं काहिंति-जम्हा णं अम्हं इमंसि दारगंसि गब्भत्थंसि चेव समाणंसि धम्मे दढपइण्मा तं होउणं अम्हं दारए दढपइण्णे नामेणं, तए णं तस्स दारगस्स अम्मापियरो नामधेनं करेहितिदढपइन्नेत्ति।
तं दढपइन्नं दारगं अम्मापियरो साइरेगऽहवासजातगं जाणित्ता सोभणंसि तिहिकरणनक्खत्तमुहत्तंसि कलायरियस्स उवणेहिंति ।
तए णं से कलायरिए तं दढप्पइन्नं दारगं लेहाइयाओ धणियप्पहाणाओ सउणस्यपज्जवसाणाओ बावत्तरि कलाओ सुत्ततो य अस्थतो य करणतो य सेहाविहिति सिखाविहिति, तंजहा-लेहंगणितं स्वं नटुंगीयं वाइयं सरगयं पुक्खरगयं समतालं जूयं जनवायं पासकं अट्ठावयं पोरेकचंदगमट्टियं अन्नविहिं पानविहिं वत्थविहिं विलेवणविहिं सयणविहिं अजं पहेलियमागहियं गाहं गीइयंसिलोयं हिरण्णजुत्ती सुवण्णजुत्ती गंधजुत्ती चुण्णजुत्ती आभरणविहिं तरुणीपडिकम्म इथिलक्खणं पुरिसलक्खणं हयलक्खणं गयलक्खणं गोणलक्खणं कुक्कडलक्खणं चक्कलक्खणं छत्तलक्खणं चम्मलक्खणं दंडलक्खणं असिलक्खणं मणिलक्खणं काकणिलक्खणं वत्थुविनं खंधारमाणं नगरमाणं वत्थुनिवेसणं वूहं पडिवूहं चारं पडिचारं चक्कवूहंगरुलवूहं सगडवूह जुद्धं मिजुद्धंजुद्धातिजुद्धमुट्ठिजुद्धबाहुजुद्धं लयाजुद्धंइसत्यं छरुप्पवाहं धनुव्येयं हिरण्णपागंसुवण्णपागं वट्टखेडंखुत्ताखेडं नालियाखेडंपत्तच्छेजंकडवच्छेनं सजीवं निजीवंसउणरुतमिति बावत्तरिकला सेहाविति सिक्खावेत्ता अम्मापिईणं उवणेहिति।
तए णं तस्स दढपइन्नस्स दरगस्स अम्मापियरो त कलायरियं विपुलेणं असनपानखाइमसाइमेणं वत्थगंधमल्लालंकारेण यसक्कारेहिति सम्माणेहिंति सकारेत्ता सम्माणेत्ता विपुलं जीवियारिहं पीइदाणं दलइस्सइ, विपुलं २ ता पडिविसजेहिंति।