Agam Sutra Satik 12 Auppatik UpangSutra 01

Author(s): Dipratnasagar, Deepratnasagar
Publisher: Agam Shrut Prakashan

Page 117

१७६
औपपातिकउपाङ्गसूत्रम्-५१
एकचाओ कोट्टणपिट्टणतज्जणतालणवहबंधपरिकिलेसाओ पडिविरया जावज्जीवाए एकच्चाओ अपडिविरया,
- एकच्चाओ ण्हाणमद्दणवण्णगविलेवणसद्दफरिसरसरूवगंधमल्लालंकाराओ पडिविरया जावजीवाए एकच्चाओ अपडिविरया, जेयावण्णे तहप्पगारा सावज्जजोगोवहिया कम्मता परपा परियावणकरा कज्जति तओ जाव एकच्चाओ अपडिविरया तंजहा-समणोवासगा भवंति,
अभिगयजीवाजीवा उबलद्वपुण्णुपावा आसवसंवरनिज्जर किरिया अहिगरणबंधमोक्खकुसला असहेज्जाओ देवासुरनागजक्खरक्खसकिन्नरकिंपुरिसगरुलगंधव्वमहोरगाइएहिं देवगणेहिं निग्गंथाओ पावयणाओ अणइक्कमणिज्जा निग्गंथे पावयणे निस्संकिया णिक्खंखिया निव्वितिगिच्छा लद्धड्डा गहियट्ठा पुच्छियट्टा अभिगयट्ठा विणिच्छियट्ठा अट्ठिमिंजपेम्माणुरागरत्ता अयमाउसो ! निग्गंथे पावयणे अड्डे अयं परमट्टे सेसे अट्टे ऊसियफलिहा अवंगुयदुवारा चियत्तंतेउरपरघरदारप्पवेसा चउद्दसमुद्दिट्टपुण्णमासिणीसु पडिपुण्णं पोसहं सम्मं अनुपालेत्ता समणे निग्गंथे फासुएसणिज्जेणं असनपानखाइमसाइमेणं वत्थपडिग्गहकंबलपायपुंथछणेणं ओसहभेसज्ञेणं पडिहारएण य पीढफलगसेज्जासंधारएणं पडिलाभेमाणा विहरंति विहरिता भत्तं पञ्चक्खति ते बहूई भत्ताइं अणसणाए छेदिति छेदित्ता आलोइयपडिक्कंता समाहिपत्ता कालमासे कालं किच्चा उक्कोसेणं अच्चुए कप्पे देवत्ताए उववत्तारो भवंति, तहिं तेसिं गई बावीसं सागरोवमाई ठिई आराहया सेसं तहेव २० ।
से जे इमे गामागर जाव सन्निवेसेसु मणुआ भवंति, तंजहा - अनारंभा अपरिग्गहा धम्मिया जाव कप्पेमाणा सुसीला सुब्वया सुपडियानंदा साहू सव्वाओ पाणाइवाआओ पडिविरया जाव सव्वाओ परिग्गहओ पडिविरया सव्वाओ कोहाओ माणाओ मायाओ लोभाओ जाव मिच्छादंससल्लाओ पडिविरया सव्वाओ आरंभसमारंभाओ पडिविरया सव्वाओ करणकारावणाओ पडिविरया
सव्वाओ पयणपयावणाओ पडिविरया सव्वाओ कुट्टणपिट्टणतज्जणतालणवहबंधपरिकिलेसाओ पडिविरया सव्वाओ ण्हाणमद्दणवण्णगविलेवणसद्दफरिसरसरूवगंधमल्लालंकाराओ पडिविरया जेयावण्णे तहप्पग्गारा सावज्जजोगोवहिया कम्मंता परपाणपरियावणकरा कांति तओवि पडिविरया जावज्जीवाए से जहानामए अनगारा भवंति-
ईरियासमिया भासासमिया जाव इणमेव निग्गंथं पावयणं पुरओकाउं विहरंति तेसि णं भगवंताणं एएणं विहारेणं विहरमाणाणं अत्येगइयाणं अणंते जाव केवलवरनाणदंसणे समुप्पज्जइ, ते बहूइं वासाई केवलिपरियागं पाउणंति जाव पाउणित्ता भत्तं पच्चक्खति भत्तं २ बहूई भत्ताई. अणसणाइ छेर्देतिर त्ता जस्सट्ठाए कीरइ गग्ग भावे० अंतं करंति, जेसिंपि य णं एगइयाणं नो केवलवरनाणदंसणे समुप्पज्जइ ते बहूई वासाई छउमत्थपरियागं पाउणन्तिर आबाहे उप्पन्ने वा अनुप्पन्ने वा भत्तं पञ्चक्खंति,
ते बहूई भत्ताइं अणसणाए चेदेन्ति २ त्ता जस्सट्टाए कीरइ नग्गभावे जाव तमट्ठमाराहित्ता चरिमेहिं ऊसासणीसासेहिं अनंतं अनुत्तरं निव्वाघायं निरावरणंकसिणं पडिपुन्नं केवलवरनाणदंसणं उप्पाडिंति, तओ पच्छा सिज्झिहिन्ति जाव अंतं करेहिंति ।
एगच्चा पुण एगे भयंतारो पुव्वकम्मावसेसेणं कालमासे कालं किच्चा उक्कोसेणं सव्वट्टसिद्धे