Agam 45 Chulika 02 Anuyogdwar Sutra

Author(s): Abhayshekharsuri
Publisher: Divya Darshan Trust

Page 346

श्रीअनुयोगद्वारसूत्रम् [सू०५५८-५७०]
३२९ सेतं नोआगमतो भावज्झीणे । सेतं भावज्झीणे । सेतं अज्झीणे।
(सू० ५५८) से किं तं आए ? आए चउव्विहे पण्णत्ते । तंजहा-नामाए ठवणाए दव्वाए भावाए।
(सू० ५५९) नाम-ठवणाओ पुव्वभणियाओ ।
(सू० ५६०) से किं तं दव्वाए ? दव्वाए दुविहे पण्णत्ते । तंजहा-आगमतो य नोआगमतो य ।
(सू० ५६१) से किं तं आगमतो दव्वाए ? (आगमतो दव्वाए) जस्स णं आए त्ति पयं सिक्खितं ठितं जाव अणुवओगो दव्वमिति कट्ट, जाव जावइया अणुवउत्ता आगमओ तावइया ते दव्वाया, जाव सेतं आगमओ दव्वाए ।
(सू० ५६२) से किं तं नोआगमओ दव्वाए ? नोआगमओ दव्वाए तिविहे पण्णत्ते। तंजहा-जाणयसरीरदव्वाए भवियसरीरदव्वाए जाणयसरीर-भवियसरीरवइरित्ते दव्वाए।
(सू० ५६३) से किं तं जाणयसरीरदव्वाए ? जाणयसरीरदव्वाए- आयपयत्थाहिकारजाणगस्स जं सरीरगं ववगय-चुत-चतिय-चत्तदेहं सेसं जहा दव्वज्झयणे, जाव से तं जाणयसरीरदव्वाए। ___ (सू० ५६४) से किं तं भवियसरीरदव्वाये ? भवियसरीरदव्वाये- जे जीवे जोणीजम्मणणिक्खंते सेसं जहा दव्वज्झयणे, जाव सेतं भवियसरीरदव्वाये ।
(सू० ५६५) से किं तं जाणयसरीर-भवियसरीरवइरित्ते दव्वाये ? जाणयसरीरभवियसरीरवइरित्ते दव्वाये तिविहे पण्णत्ते । तंजहा- लोइए कुप्पावयणिए लोगुत्तरिए।
(सू० ५६६) से किं तं लोइए ? लोइए तिविहे पण्णत्ते । तंजहा-सचित्ते अचित्ते मीसए य ।
(सू० ५६७) से किं तं सचित्ते ? सचित्ते तिविहे पण्णत्ते । तंजहा-दुपयाणं चउप्पयाणं अपयाणं । दुपयाणं दासाणं दासीणं, चउप्पयाणं आसाणं हत्थीणं, अपयाणं अंबाणं अंबाडगाणं आए । सेतं सचित्ते।
(सू० ५६८) से किं तं अचित्ते ? अचित्ते सुवण्ण-रयत-मणि-मोत्तिय-संखसिलप्पवाल-रत्तरयणाणं (संतसावएजस्स) आये । सेतं अचित्ते ।।
(सू० ५६९) से किं तं मीसए ? मीसए दासाणं दासीणं आसाणं हत्थीणं समाभरियाउज्जालंकियाणं आये । सेतं मीसए । सेतं लोइए।
(सू० ५७०) से किं तं कुप्पावयणिये ? कुप्पावयणिये तिविहे पण्णत्ते । तंजहा