Agam 32 Chulika 02 Anuyogdwar Sutra Anuogdaraim Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 56

अणुभगदाई
सतनाम (सरमंडल) - पर्व
२६८. से किं तं सत्तनामे ? सत्तनामे-सत्त सरा पण्णत्ता, तं जहा
गाहा
सज्जे रिसभे गंधारे, मज्झिमे पंचमे सरे । धेवए' चेव नेसाए, सरा सत्त वियाहिया ॥ १ ॥
२६६. एएसि णं सत्तण्हं सराणं सत्त सरद्वाणा पण्णत्ता, तं जहा--- उरेण रिसभ सरं । मज्झजीहाए मज्झिमं ॥ १ ॥ 'दंतोट्ठेण य धेवतं " । सरद्वाणा वियाहिया || २ || तं जहा
सज्जं च अग्गजीहाए, कंठुग्गएण गंधारं, नासाए पंचमं ब्रूया, भमुहक्खेवेण' नेसायं
३००. सत्तसरा जीवनिस्सिया पण्णत्ता,
सज्जं रवइ मयूरो, कुक्कुडो रिसभं सरं । हंसो रवइ' गंधारं मज्झिमं तु गवेलगा ||१|| अह कुसुमसंभवे काले, कोइला पंचमं सरं । छट्ठे च सारसा कुंचा, नेसायं सत्तमं गर्यो ||२||
३०१. सत्त सरा अजीवनिस्सिया पण्णत्ता, तं जहा
सज्जं रवइ सुयंगो, गोमुही रिसभं सरं । संखो रवइ" गंधारं मज्झिमं पुण झल्लरी ॥१॥ चउचलणपइट्टाणा, गोहिया पंचमं सरं । आडंबरो धेवइयं", महाभेरी य सत्तमं ॥२॥ ३०२. एएसि णं सत्तण्हं सराणं सत्त सरलक्खणा पण्णत्ता, तं जहासज्जेण लहइ वित्ति", कथं च न विणस्सइ । गावो 'पुत्ताय मित्ता य", नारोणं होई" बल्लहो ॥ १ ॥ रिसभेण उ एसज्जं, सेणावच्चं धणाणि य । वत्थगंध मलंकारं, इत्थीओ सयणाणि य ॥२॥
१. रेवए ( ख, ग, हा, हेपा)
२. रिसहं ( क, ख, ग ) ।
३. दंतोट्ठेहि अ रेवतं ( ख, ग ) ।
४. भमुहेण चेव ( ख ) ;
७।४०] ।
५. वयइ ( क ) ।
६. गदति ( ठाणं ७ ४१) ।
७. च ( ख, ग ) 1
८. गजो ( ठाणं ७ ४१)
६. रिसहं ( क, ख, ग ) ।
१०. णदति ( ठाणं ७ ४२ ) ।
मुद्धाणेण य [ ठाणं ११. रेवइयं ( क, ख, ग ) 1 १२. वित्ती ( क ) ।
१३. मित्ताय पुत्ताय ( ठाणं ७ ४३ ) | १४. चेव (ठाणं ७१४२) ।
३४३