Agam 12 Uvavayaim Uvangsutt 01 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 11

६
जयाह - १०
सायंतपज्रम-गंभीर-वियडणाभे साहय-सोणंद-मुसल-दप्पण- निकरियकणगच्छरुसरिस-वरवइरवलियमज्झे पमुइयवरतुरग-सीहवर - दट्टि - यकडी वरतुरग सुजाय - सुगुझसे आइण्णहउव्वनिरुवलेवे वरवाणतुल्ल - विक्कम विलसिवगई गयससण सुजाव सत्रिभोरु सामुग्ग - निमग्ग - गूढजाणु एणी - कुरुविंद - वत्त-वाणुपुव्वजंधे संठिय-सुसिलिट्ठ- गूढगुम्फे सुप्पइट्ठिय- कुम्पाचारुचलणे अनुपुव्वसुसंहयंगुलीए उष्णय-तनु-तंब निद्धणकूखे रत्तुप्पलपत्त-मउय- सुकुमाल - कोमलतले अट्टहासवरपुरिसलक्खणधरे आगा- सगएणं चक्केणं आगासगएणं छत्तेणं आगासियाहिं चामराहिं आगासफालियामएणं सपायवीदेणं सीहासणेणं धम्मज्झएणं पुरओ पकड्निमाणेणं चउद्दसहिं समणसाहस्सीहिं छत्तीसाए अजि- यासाहस्सीहिं सद्धिं संपरिवुडे पुव्याणुपुवि चरमाणे गामाणुगामं दूईजमाणे सुहंसुहेणं बिहरमाणे चंपाए नवरीए बहिया उवनगरग्गामं उवागए चंप नगरिं पुत्रभद्दं चेइयं समोसरिउकामे 1901-10
(११) तएणं से पवित्ति-वाउए इमीसे कहाए लठ्ठे समाणे हट्ठ-तुट्ठ-चित्तमाणंदिए पीइमणे परमसोमणस्सिए हरिसबस विसप्पमाण हियए पहाए कयबलिकम्मे कय- कोउय-मंगल-पायच्छित्ते सुद्धप्पावेसाई मंगलाई बत्थाई पवर परिहिए अप्पमहाधामरणालंकिय- सरीरे सयाओ गिहाओ पडिनिक्खमइ पडिनिक्खिमित्ता चंपाए नयरीए मज्झमज्झेणं जेणेव कोणियस्स रण्णी गिहे जेणेव बाहिरिया उवद्वाणसाला जेणेव कूणिए राया भिभसार - पुत्ते तेणेव उवागच्छइ उवागच्छित्ता करयलपरिग्गहियं सिरसावत्तं पत्थए अंजलिं कट्टु जएणं विजएणं वद्धावेइ बद्धाबेत्ता एवं वचासीजस्स णं देवाणुप्पिया दंसणं कखंति जस्स णं देवाणुप्पिया दंसणं पीहंति जस्स णं देवाणुप्पिया दंसण पत्यंति जस्स णं देवाणुपिया दंसणं अभि-लसंति जस्स णं देवाणुप्पिया नामगोयस्स वि सवणयाए
- तु - (चित्तमाणंदिया पीइमणा परम- सोमणस्सिया हरिसवस-विसप्पमाण] हियया भवंति से णं समणे भगवं महावीरे पुव्वाणुपुव्विं चरमाणे गामाणुगामं दूइजमाणे चंपाए नयरीए उवनगरभामं उबागए चंपं नगरिं पुत्रभद्दं चेइयं समोसरिउकामे तं एवं णं देवाणुप्पियाणं पियट्ठाए पियं निवेदेमि पियंभे भवउ 1991-11
(१२) तए णं से कूणिए राया भिमसारपुत्ते तस्स पवित्ति बाउयरस अंतिए एवमहं सोचा निसम्म हट्ट तुट्ट [चित्तमाणंदिए पीइमणे परमसोमणस्सिए हरिसवस-विसप्पमाणहियए वियसियवरकमल- नयण-वयणे पयलिय वरकडग-तुडिय- केऊर-मउड- कुंडल- हार- विरायंतरइयवच्छे पालंब- पलंबमाण-घोलंतभूसणधरे ससंभ्रमं तुरियं चवलं नरिंदे सीहासणाओ अब्भुइ अब्भुत्ता पायपीढाओ पच्छोरुहइ पञ्चोरुहित्ता पाउयाओ ओमुयइ ओमुइत्ता एगसाडियं उत्तरासंग करेइ करेत्ता आयंते चोक्खे परमसुइभूए अंजलिमउलियहत्थे तित्थगरामिमुहे सत्तट्ठपवाई अनुगच्छइ अनुगच्छत्ता वामं जाणुं अंचेइ अंचेत्ता दाहिणं जाणुं धरणितलंसि साहट्ट तिक्खुत्तो मुद्धाणं धरणितलंस निवेसेइ निवेसेत्ता ईसिं पशुण्णमइ पक्षुण्णमित्ता कडग तुडिय-यंभियाओ भुयाओ पडिसाहरइ पडिसाहरित्ता करयल परिग्गहियं सिरसावत्तं मत्थए अंजलिं] कट्टु एवं वयासी
नमोबु णं अरहंताणं भगवंताणं आइगराणं तित्थगराणं सहसंबुद्धाणं पुरिसोत्तमाणं पुरिससीहाणं पुरिसवरपुंडरीयाणं पुरसवरगंधहत्वीणं अभयदयाणं चक्खुदयाणं मग्गदयाणं सरणदयाणं जीवदया दीवो ताणं सरणं गई पड्ट्ठा धम्मवरचाउरंतचक्कवट्टीणं अप्पडियवरनाणदंसणधराणं विवट्ट- छउपाणं जिणाणं जावयाणं तिन्नाणं तारयाणं मुत्ताणं मोयगाणं बुद्धाणं बोहयाणं सव्वन्नूगं