Agam 12 Uvavayaim Uvangsutt 01 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 37

उदवाइयं - ५०
तं जहा-लेहं गणियं रूवं नट्ट गीयं वाइयं सरगयं पुक्खरगयं समतालं जूयंजणवायं पासगं अट्ठावचं पोरेकव्वंदगमट्टियं अन्नविहिं पाणविहिं वत्यविहिं विलेवणविहिं सयणविहिं अजं पहेलियं मागहियं गहं गीइयं सिलोयं हिरण्णजुत्तिं सुवण्णजुत्तिं गंधजुत्तिं चुण्णजुत्तिं आभरणविर्हि तरुणीपडिकामं इथिलक्खणं पुरिसलखणं हयलक्खणं गयलक्खणं गोणलक्खणं कुक्कुडलस्वणं छत्तलक्षणं दंडलक्खणं असिलखणं मणिलक्खणं काकणिलक्खणं चत्युविजं खंधावारमाणं नगरमाणं यूह पडिवूहं चारं पडिचारं चक्कबूहं गरुत्लवूह सगडवूहं जुद्धं निजुद्धं जुद्धाइजुद्धं मुद्विजुद्धं बाहुजुद्धं लयाजुद्धं ईसत्थं छरुप्पवादं धणुवेदं हिरण्णपागं सुवण्णपागं वट्टखेडं सुतखेडं नालियाखेडं पत्तच्छेनं कडगच्छेनं सजीवं निजीवं सउणरुयं-इति सेहावित्ता सिक्खावेता अम्मापिईणं उवणेहिति तए णं तस्स दढपइण्णरस दारणस्स अम्मापियरो तं कलायरियं विउलेणं असण-पाण-खाइम-साइमेणं वत्यगंधमल्लालंकारेणं य सकारेहिंतो सम्माणेहितो सक्कारित्ता सम्पाणेत्ता विजलं जीवियारिहं पीइदाणं दलइस्संति दलइत्ता पडिविसझेहितितए णं से दढपइण्णे दारए बावत्तरिकलापंडिए नयंगसुत्तपडिबोहिए अट्ठारसदेसी-भासाविसारए गीयरई गंधवनष्टकुसले हयजोही गयजोही रहजोही बाहुजोही बाहुप्पमद्दी वियालचारी साहसिए अलंभोगसमस्ये यावि भविस्सइ तए णं तं दढपइणं दारगं अम्मापियरो यावत्तरिकलापंडियं [नयंगसुत्तपडिबोहियं अठार- सदेवी-भासाविसारयं गीयरइ गंधवनट्टकुसलं हवजोहिं गयजोहिं रहजोहिं बाहुजोहिं बाहुप्पमदि वियालचारिं साहसियों अलंभोगसमत्थं च चियाणित्ता विउत्तेहिं अनोगेहिं पाणभोगेहिं लेणभोगेहिं वत्यमोगेहि सयणभोगेहिं कामभोगेहिं उबणिमंतेहिति
तए णं से दढपइण्णे दारए तेहिं विउलेहिं अन्नभोगेहिं पाणभोगेहि लेणभोगेहिं बत्थभोगेहिं] सयणभोगेहिं कामभोगेहिं नो सजिहिति नो रञ्जिहिति नो गिझिहिति नो मुन्झिहिति नो अझोववन्निहिति से जहानामए उप्पलेइ वा पउमेइ वा कुमुएइ वा नलिणेइ वा सुभगेइ वा सुगंधिएइ वा पोंडरीएइ वा महापोंडरीएइ वा सयपत्तेइ वा सहस्सपत्तेइ वा पंके जा जले संवुड्ढे नोवलिप्पइ पंकरएणं नोवलिप्पइ जलरएणं एयामेव दढपइण्णे वि दारए कामेहिं जाए भोगेहिं संवुड्ढे नोवलिप्पिहिति कामरएणं नोवलिपिहिति भोगरएणं नोवलिप्पिहिति मित्त-नाइ-नियग-सपण-संबंधिपरिजणेणं सेणं तहारूवाणं थेराणं अंतिए केवलं बोहिं युज्झिहिति युन्झित्ता अगाराओ अणगारियं पब्वइहिति से णं भविस्सइ अणगारे भगवंते इरियासमिए [मासासमिए एसणासपिए आयाण-मंड - मत्त-निक्खेवणासमिए उचार-पासवण-खेल-सिंधाण-जल्ल-पारिठ्ठावणिया-समिए मणगुत्ते कावगुत्ते गुत्ते गुतिदिए] गुत्तवंभयारी तस्स णं भगवओ एएणं विहारेणं विहरमाणस्स अनंते अनुत्तरे निव्वाधाए निरावरणे कसिणे पडिपुत्रेण्णे केवलयरनाणदंसणे समुप्पजिहिति तए णं से दढपइण्णे केवली बहूई वासाई केवलि-परियागं पाउणिहिति पाउणित्ता मासियाए संलेहणाए अप्पाणं झूसित्ता सद्धिं भत्ताइं अणसणाएछेदित्ता जस्सद्वाए कीरइ नगमाये मुंडपावे अण्हाणए अदंतवणए केसलोए बंमचेरवासे अच्छत्तगं अणोवाहणगं भूमिसेजा फलहसेआ कट्ठसेजा परघरपवेसो लद्धावलद्धं परेहिं हीलणाओ निंदणाओ खिसणाओ गरहणाओ तज्जाणाओ तालणाओ परिभवणाओ पव्वहणाओ उच्चावया गामकंडगा बावीसं परीसहोवसग्गा अहियासिज्जंति तमद्वपाराहित्ता चरिमेहिं उस्सासनिस्सासेहिं सिग्झिहितिमुधिहिति परिनिव्वाहिति सव्वदुक्खाणमंतं करेहिति।४०।-40
(५१) सेन्जे इमे गामागर [नयर-निगम-रायहाणि-खेड़-कव्वड-दोणमुह-मडंब-पट्टणासम