Agam 12 Uvavayaim Uvangsutt 01 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 19

१४
उपवाइयं - २२
गासाई असंकिलिडाई सुहुमाई बत्थाई पवरपरिहिया वयं च पढमं समइक्कंता बिइयं च असंपत्ता भद्दे जोव्वणे चट्टमाणा तलभंगय- तुडिय-पवरभूषण-निम्मल-मणि-रयण-मंडिय-भुया दसमुद्दामंडियग्गहत्याचूलमाणि-चिंधगया सुरूवा महिड्डिया महजुइया महब्बला महायसा महासोक्खा महाणुभागा हारविराइयवच्छा कडग-तुडिव-थंभियभुया अंगय-कुंडल - मट्ठ- गंड- कण्णपीढधारी विचित्तहत्याभरणा विचित्तमाला - मउलि- मउडा कल्लाणग-पवरवत्थपरिहिया कल्लाणगपवरमल्ला
लेवणा भासुरबोंदी पलंबवणमालधरा दिव्वेणवणेणं दिव्वेणंगंधेणं दिव्वेणंरूवेणं दिव्वेणंफासेणं दिव्वेणंसंघाएणं दिव्वेणंसंठाणेणं दिव्वाएइड्ढीए दिव्वाएजुईए दिव्याए पभाए दिव्वाएछायाए दिव्याए अच्चीए दिव्वेणं तेएणं दिव्वाए लेसाए दस दिलाओ उज्जीवेमाणा पभासेमाणा समणस्स भगवओ महावीरस्स अंतियं आगम्भागम्म रत्ता समणं भगवं महावीरं तिक्खुत्तो आयाहिण-पवाहिणं करेंति करेत्ता चंदंति नम॑संति वंदित्ता नमंसित्ता नचासण्णे नाइदूरे सुस्सूसमाणा नर्मसमाणा अभिमुहा विणणं पंजलिउडा पज्जुवासंति । २२1-22
(२३) तेणं कालेणं तेणं समएणं समणस्स भगवओ महावीरस्स बहवे असुरिंदवचिया भवणवासी देवा अंतियं पाउब्भवित्था नागपइणो सुवण्णा विजू अग्गीया दीवा उदही दिसाकुमारा य पबणथमिया व मबणबासी नागफडा - गरुल- वइर-पुत्रकलस-सीह-हयवर-गयंक-मयरंकवर -मउडवद्धमाण-निजुत्त-विचित- चिंधगया सुरूवा महिड्ढिया जाव पज्जुबासंति । २३। -23
(२४) तेणं कालेणं तेणं समएणं समणस्स भगवओ महावीरस्स बहवे वाणमंतरा देवा अंतियं पाउन्भवित्था- पिसायभूया य जक्ख- रक्खस- किन्नर - किंपुरिस - भुयग-पइणो य महाकावा गंधच्यनिकायगणा निउणगंधव्वगीयरइणो अणवण्णिय-पणवण्णिय-इसिवादिय-भूयवादिय-कंदिय - महाकंदिया व कुरुडं - पययदेवा चंचल-चबल-चित्त- कीलण दवप्पिया गंभीर हसिय-भणिव- पियगीय-नच्चणरई वणमालामेल-मउड- कुंडल सच्छंदविउब्वियाहरण- चारुविभूसणधरा सव्वोउयसुरभि - कुसुम- सुरइयपलंव-सोभंत कंत-वियसंत-चित्तवणमाल- रइय-बच्छा कामगमा कामरूद - धारी नाणाविहवण्णराग धरवत्थ-वित्तचिल्लय-नियंसणा विविहदेसीणेवच्छ- गहियवेसा पमुइयकंदप्प-कलह-केली - कोलाहलप्पिया हासबोलबहुला अणेगमणि - रयण- विविह-निजुत्त-चित्त-चिंदगया सुरूवा महिड्ढचया जाव पज्जुवासंति । २४।-24
(२५) तेणं कालेणं तेणं समएणं समणस्स भगवओ महावीरस्स बहवे जोइसिया देवा अंतियं पाउन्भवित्था-विहस्सती चंदसूरसुक्कसणिच्छरा राहू धूमकेतुबुहा य अंगारका य तत्ततवणिजकणगवण्णा जे य गहा जोइसंमि चारं चरंति केऊ य गइरइया अट्ठावीसेतिविहाय नक्खत्तदेवगणा नाणासंठाणसंठियाओ य पंचबण्णाओ ताराओ ठिवलेसा चारिणो य अविस्साममंडलगई पत्तेयं नामंक-पागडिय- चिंघमउडा महिड्ढिया जाव पजुवासंति । २५/- 25
(२६) तेणं कालेणं तेणं समएणं समणस्स भगवओ महावीरस्स वेपाणीया देवा अंतियं पाउव्यविस्था-सोहम्मीसाणस सणकुमार - माहिंद - बंभ- लंगत-पहासुक्क सहस्साराणय पाणयारण-अपवई पहिला देवा जिणदंसणुस्सुयागमण-जणियहासा पालग-पुष्फग-सोमणस-सिरिवच्छनंदियावत्त-काम गम-पीइगम मनोगम-विमल-सव्वओभद्द-नामधे जेहिं विमाणेर्हि ओइण्णा बंदणकामा जिणाणं मिग-महिस - वराह - छगल- दद्दुर-हय-गयवइ-भुयग-खग्ग-उसक-बिडिम- पागडियचिंधमउडा पसिद्धिल-वरमउडतिरीडधारी कुंडलुजोवियाणणा मउड-दित्त- सिरया रत्ताभा परम