Agam 03 Ang 03 Sthanang Sutra Shwetambar

Author(s): Purnachandrasagar
Publisher: Jainanand Pustakalay

Page 187

Acharya Shri Kailashsagarsuri Gyanmandir
| कवाडं पडिसाहरति अट्ठमे समए दंडं पडिसाहरति । ६५२ । समणस्स णं भगवतो महावीरस्स अट्ठ सया अणुत्तरोववातियाणं गतिकल्लाणाणं | जाव आगमेसि भद्दाणं उक्कोसिता अणुत्तरोववातितसंपया हुत्था १ । ६५३ । अट्ठविधा वाणमंतरा देवा पं०नं० - पिसाया भूता जक्खा रक्खसा किन्नरा किंपुरिसा महोरगा गंधव्वा २, एतेसिं णं अट्ठण्हं ( प्र० विहाणं) वाणमंतर देवाणं अट्ठ चेतितरुक्खा पं०त० - फलंबो अ पिसायाणं, वड़ो जक्खाण चेतितं । तुलसी भूयाणं भवे, रक्खसाणं च कंडओ ॥ १०७ ॥ असोओ किन्नराणं च, किंपुरिसाण य चंपतो | नागरुक्खो भुयंगाणं, गंधव्वाण य तेंदुओ ॥ १०८ ॥ ३ । ६५४ । इमीसे रयणप्पभाते पुढवीते बहुसमरमणिज्जाओ भूमिभागाओ अट्ठजोयणसते उड्ढमाबाहाते सूरविमाणे चारं चरति ४ । ६५५ । अट्ठ नक्खत्ता चंदेणं सद्धिं पमदं जोगं जोतेंति तं० - कत्तिता रोहिणी पुणव्वसू महा चित्ता विसाहा अणुराधा जेट्ठा ५ । ६५६ | जंबुद्दीवस्स णं दीवस्स दारा अट्ठ जोयणाई उड्ढउच्चत्तेणं पं० १ सव्वेसिंपि दीवसमुद्दाणं दारा अट्ठ जोयणाई उड्ढउच्चत्तेणं पं० २ । ६५७ । पुरिसवेयणिजस्स णं कम्मस्स जहन्नेणं अट्ठ संवच्छराई बंधविती पं० १ जसोकित्तीनामएणं कम्मस्स जहण्णेणं अट्ठ मुहुत्ताइं बंधविती पं० २ उच्चगोयस्स णं कम्मस्स एवं चेव ३ । ६५८ । तेइंदियाणभट्ट जातीकुल कोडीजोणीपमुहसतसहस्सा पं० । ६५९ । जीवा णं अट्ठठाणणिव्वत्तिते पोग्गले पावकम्मत्ताते चिणिंसु वा चिणंति वा चिणिस्संति वा, तं० - पढमसमयनेर तितनिव्वत्तिते जाव अपढमसमयदेवनिव्वत्तिते, एवं चिण उवचिण जाव निज्जरा चेव, अट्ठपतेसिता खंधा अनंता पं० अट्ठपतेसोगाढा पोग्गला अनंता पं० जाव अट्ठगुणलुक्खा पोग्गला अणंता पण्णत्ता पू. सागरजी म. संशोधित
॥ श्रीस्थानाङ्ग सूत्रं ॥
१७६
For Private And Personal