________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
सुयांयो-२, अज्जयनं-२
૧૨
बहाए उसुं आयापेत्ताणं निसिरेज्जा से मियं वहिस्सामि त्ति कट्टु तित्तिरं वा यट्टगं वा चडगं वा लावगं वा कवोयगं वा कविं वा कविजलं वा विधित्ता भवति इति खलु से अन्नस्स अट्ठाए अन्नं फुसइ- अकस्मादंडे से जहानामए केइ पुरिसे सालीणि वा वीहीणि वा कोट्यामि वा कंणि वा परगामि वा रालाणि वा निलिमाणे अन्नयरस्स तणस्स वहाए सत्थं निसिरेज्जा से सामगं तजगं मुकुंदुगं वीहीऊसियं कलेसुयं तणं छिंदिस्सामि ति कट्टु सालिं वा वीहिं चा कोद्दवं वा कंगुं वा परगं वा रायलवं वा छिदिंत्ता भवति इति खलु से अन्नस्स अट्ठाए अन्नं फुसति - अकस्मादंडे एवं खलु तस्स तप्पत्तियं सावज्रं ति आहिजइ चउत्ये दंडसमादाणे अकस्मादंडवत्तिए आहिए 1२१1-20
(६५३) अहावरे पंचमे दंडसमादाणे दिट्ठिविपरियासियादंडवत्तिए ति आहिज्जइ से जहानामए केइ पुरिसे माईहिं वा पिईहिं वा माईहिं वा भगिणीहिं वा भजाहिं वा पुत्तेहिं वा धूयार्हि वा सुहाहिं वा सद्धिं संवसमाणे मित्तं अमित्तमिति मन्नमाणे मित्ते हयपुव्वे भवइदिट्ठिविपरियासियादंडे से जहानामए केइ पुरिसे गामधायंसि वा नगरधायंसि वा खेडधायंसि कव्वधायंसि चा दोणमुहधायंसि वा पट्टणधायंसि वा आसमधायंसि वा सण्णिवेसधायंसि वा निगमधायंसि वा रायहाणिधायंसि वा अतेणं तेणमिति मन्नमाणे अतेणे हयपुव्वे भवइ-दिट्ठिविपरियासियादंडे एवं खत्तु तस्स तप्पत्तियं सावज्रं ति आहिज्ज पंचमे दंडसमादाणे दिट्ठिविपरियासियादंडवत्तिए ति आहिए |२२| - 21
(६५४) अहावरे छठे किरियट्ठाणे मोसवत्तिए त्ति आहिज्जइ से जहानामए केइ पुरिसे आयहेउं वा नाइहेउं वा अगारहेडं वा परिवारहेउं सयमेव मुसं चयति अण्णेण वि मुसं वयावेड़ संवयंतंपि अन्नं समजाणति छट्ठे किरियट्ठाणे मोसवत्तिए त्ति आहिए | २३ | -22
(६५५) अहावरे सत्तमे किरियट्ठाणे अदिन्नादाणवत्तिए त्ति आहिज्र से जहानामए केई पुरिसे आहेउं वा नाइहउं वा अगारहेउं वा परिवारहेउं वा सयमेव अदिन्नं आदियति अणेण वि अदिन्नं आदियावेति अदिन्नं आदियंतं पि अन्नं समणुजाणइ एवं खलु तस्स तप्पत्तियं समाजं ति आहिजइ सत्तमे किरिचट्ठाणे अदिन्नादाणवत्तिए त्ति आहिए 1२४ - 23 (६५६ ) अहावरे अट्ठमे किरियट्ठाणे अज्झत्थिए त्ति आहिज्झइ से जहानामए केइ पुरिसे नत्थि णं केइ किंचि विसंवादेइ सयमेण हीणे दीणे दुट्ठे दुम्पणे ओहयमणसंकप्पे चिंतासोगसागरसंपविट्ठे करतलपल्हत्थुमुहे अट्टज्झाणोवगए भूमिगयदिट्ठिए झियाति तरस णं अज्झत्थिया असंसइया चत्तारि ठाणा एवमाहिजंति तं जहा- कोहे माणे माया लोहे एवं खलु तस्स तष्पत्तियं सावज्जं ति आहिजइ अट्ठमे किरियट्ठाणे अज्झथिए त्ति आहिए | २५ | 24
(६५७ ) अहावरे नवमे किरियट्ठाणे माणवत्तिए त्ति आहिजइ से जहानामए कैइ पुरिसे जाइमदेण वा कुलमदेण वा बलमदेण वा रूवमदेण वा तवमदेण वा सुयमदेण वा लाभमदेण वा इस्सरियमदेण वा पण्णामदेण वा अण्णयरेण वा मट्ठाणेणं मत्ते समाणे परं हीलेति निंदेति ख्रिसति गरिहति परिभवति अवमनति इत्तरिए अयं अहमंसि पुण विसिट्ठजाइ कुलबलाइगुणोववेए- एवं अप्पाणं समुक्कसे देहा चुए कम्मविइए उनसे पयाति तं जहा - गरमाओ गट जम्माओ जम्मं माराओ मारं नरगाओ नरगं चंडे थद्धे चवले माणी यावि भवइ एवं
For Private And Personal Use Only
