Agam 02 Suyagado Angsutt 02 Moolam

Author(s): Dipratnasagar, Deepratnasagar
Publisher: Agam Shrut Prakashan

Page 64

सुयक्षो-२, अायणं-२
५५
निक्खेणासमियस्स उच्चार पासवण - खेल - सिंधाण जल्ल पारिका वणियासमियस्स मणसमियस्स वइसमिवस्स कायसमियस्स मणगुत्तस्स बइगुत्तस्स कायगुत्तस्स गुत्तिंदियस्स गुतबंभयारिस्स आउत्तं गच्छमाणस्स आउत्तं चिट्ठमाणस्स आउत्तं निसीयमाणस्स आउत्तं तुयट्टमाणस्स आउत्तं भुंजमाणस्स आउत्तं मासमाणस्स आउत्तं चत्थं पडिग्गहं कंबलं पायपुंछणं गिण्हमाणस्स वा निक्खियमाणस्स वा जाव चक्खुपम्हणिवायमवि अस्थि विमाया सुहुमा किरिया इरियावहिया नाम कज्झइ-सा पढमसमए बद्धपुट्ठा बितियसमए बेइया ततियसमए निजिण्णा सा बद्धपुट्ठा उदीरिया वेइया निज्जिण्णा सेयकाले अकम्पयाऽवि भवइ एवं खलु तस्स तप्पत्तियं आहिज्जइ तेरसमे किरियट्ठाणे इरियावहिए त्ति आहिए से बेमि-जे य अईया जे य पडुप्पण्णा जे य आगमेस्सा अरहंता भगवंता सव्वे ते एयाई चेव तेरस किरियाणा भासिसु वा भार्सेति वा भासिस्संति वा पण्णवेंसु वा पण्णवेति वा पण्णवेस्संति वा एवं चैव ते रसमं किरियट्ठाणं सेविंसु वा सेवंति चा सेविस्संति वा |३०|-20
(६६२ ) अदुत्तरं च णं पुरिस - विजय विभंगमाइक्खिस्सामि इह खलु नानापण्णाणं नानाछंदाणं नानासीलाणं नानादिट्ठीणं नानारुईणं नानारंभाणं नानाज्झवसाणसंजुत्ताणं इहलोगपडिबद्धाणं परलोगणिपिवासाणं विसयतिसियाणं इणं नानाविहं पावसुयज्झयणं भवइ तं जहा- भोमं उप्पायं सुविणं अंतलिक्खं अंगं सरं लक्खणं वंजणं इत्थिलक्खणं पुरिसलक्खणं हयलक्खणं गयलक्खणं गोणलक्खणं मेंढलक्खणं कुक्कुड लक्खणं तित्तिरलक्खणं वट्टगलक्खणं लावगलक्खणं चक्क लक्खणं छत्तलक्खणं चम्मलक्खणं दंडलक्खणं असिलक्खणं मणिलक्खणं कागणिलक्खणं सुभगाकरं दुदभगाकरं गब्माकरं मोहणकरं आहव्वर्णि पागसासणिं दव्वहोमं खत्तियविजं चंदचरियं सूरचरियं सुक्क चरियं बहस्सइचरियं उक्का पायं दिसादाहं मियचक्कं वायसपरिमंडलं पंसुवुटि केसवुट्ठि मंसवुट्ठि रुहिरवुट्ठि वेयालिं अद्धवेयालिं ओसीवणि तालुग्धाइणि सोवागि सावरिं दामिलिं कालिंगि गोरिं गंधारि ओवतणि उप्पतणि जंभणि थंभणि लेसणि आयमकरण विसल्लकरणिं पक्कमणिं अंतद्धार्णि एवमाइयाओ विज्जाओ अन्नस्स हेउं पउंजंति पाणस्स हेउं पउंजंतिवत्थस्स हेउं पजजंति लेणस्स हेउं पतंजति सयणस्स हेउं पउंजंति अण्णेसिं वा विरूवरूवाणं कामभोगाण हे ं परंजंति तेरिच्छं ते विज्जं सेवंति ते अणारिय विप्पडिदण्णा कालमासे कालं किच्चा अण्णयरेसु आसुरिए किब्बिसिएस ठाणेसु उववत्तारो भवंति ततो वि विप्पमुचमाणा भुजो एलमूयत्ताए तमंध्याए पच्चायंति | ३१ -30
(६६३) से एगइओ आयहेउं वा नाइहेउं वा अगारहेउं वा परिवारहेडं वा नायगं वा सहवासियं वा निस्साए- अदुवा अणुगामिए अदुवा उवचरए अदुवा पाडिपहिए अदुवा संधिच्छेयए अदुवा गंढिच्छेयए अदुवा ओरब्भिए अदुवा सोयरिए अदुवा वागुरिए अदुवा साउणिए अदुवा मच्छिए अदुवा गोवालए अदुवा गोधायए अदुवा सोवणिए अदुवा सोवणियंतिए से एगइओ अणुगामिवभावं परिसंघाय तमेव अणुगमिय हंता छेत्ता भेत्ता लुपत्ता विलुपत्ता उद्दवइत्ता आहारं आहारेति इति से महया पायेहिं कम्पेहिं अत्ताणं उवखात्ता भवति से एगइओ उबचरगभावं पडिसंधाय तमेव उवचरिय हंता छेता भेत्ता लुपत्ता वितुंपइत्ता उद्दवइता आहारं आहारेइ-इति से महया पावेहिं कम्मेहिं अत्ताणे उव