________________
Shri Mahavir Jain Aradhana Kendra
www.kobatirth.org
१०
Acharya Shri Kailassagarsuri Gyanmandir
सूयगडी २/२/-/६६५
अदिस्समाणो इति भिक्खू रीएज्जा से बेमि- पाईणं वा पडीणं वा उदीणं वा दाहिणं वा एवं से परिण्णातकम् एवं से ववेयकम्मे एवं से वियंतकारए भवइ त्ति मक्खायं तत्थ खलु भगवया छज्जीवनिकाया हेऊ पन्नत्ता तं जहा पुढवीकाए आउकाए तेउकाए वाउकाए वणस्सइकाए तसकाए से जहानामए मम असायं दंडेण वा अट्ठीण वा मुट्ठीण वा लेलुणा वा कवाले वा आउडिजमाणस्स या हम्ममाणस्स वा तज्जिज्जमाणस्स वा ताडिजमाणस्स या परिताविज्जमाणस्स वा किलामिमाणस्स वा उद्दविजमाणस्स वा जाव लोभुक्खणणमायमवि हिंसाकारगं दुक्खं भयं पडिसंवेदेमि-इच्चेवं जाण सव्वे पाणा सव्वे भूया सव्वे जीवा सव्वे सत्ता दंडेण वा अट्ठीण वा मुट्ठीण वा लेलुणा या कवालेण वा आउडिजमाणा वा हम्ममाणा वा तमाणा वा ताडिजमाणा वा परिताविजमाणा वा किलामिज माणा वा उद्दविजमाणा वा जाव लोमुक्खणणमायमवि हिंसाकारणं दुक्खं भयं पडिसंवेदेतिं एव नच्चा सच्चे पाणा सव्वे भूचा सच्चे जीवा सच्वे सत्ता न हंतव्वा न अज्जावेयव्वा न परिघे तब्बा न परितादेयव्या न उद्दवेयव्या
से बेमि-जे अईया जे य पडुप्पण्णा जे य आगमेस्सा अरहंता भगवंतो सव्वे ते एवमाइक्खंति एवं भासंति एवं पण्णवेति एवं परुवेति सव्वे पाणा सव्वे भूया सव्वे जीवा सव्वे सत्ता न हंतव्या न अज्जावेयव्वा न परिघेतव्या न परितावेयव्वा न उद्दवेयव्वा एस धम्मे धुवे नितिए सासए समेच्च लोगं खेयण्णेहिं पवेइए एवं से भिक्खू विरए पाणाइवायाओ विरए मुसावायाओ विरए अदत्तादाणाओ विरए मेहुणाओ विरए परिग्गहाओ नो दंतपक्खालगेणं दंते पक्खालेज्जा नो अंजणं नो वमणं नो विरेयणं नो धूवणे नो तं परियाविएज्जा से भिक्खू अकिरिए अलूसए अकोहे अमाणे अमाए अलोहे उवसंते परिनिब्बुडे नो आसंसं पुरतो करेजा इमेण मे दिट्ठेण वा सुएण वा मएण वा विण्णाएण वा इमेण वा सुचरिय-तवनियम- बंमचेरवासेणं इमेणं वा जायामायावुत्तिएणं धम्मेणं इतो चुते पेचा देवे सिया कामभोगाण वसवत्ती सिद्धे वा अदुक्खमसुहे एत्य वि सिया एत्थ वि नो सिया से भिक्खू सद्देर्हि अमुच्छिए रूवेहिं अमुछिए गंधेहिं अमुछिए रसेहिं अमुच्छिए फासेहिं अमुच्छिए विरएकोहाओ माणाओ मायाओ लोभाओ पेज्जाओ दोसाओ कलहाओ अन्मक्खाणाओ पेसुन्नाओ परपरिवायाओ अरइरईओ मायामोसाओ मिच्छादंसणसल्लाओ-इति से महंती आदाणाओ उवसंते उवट्ठिए पडिविरते
सेभिक्खू जे इमे तसथावरा पाणा भवंति - ते नो सयं समारंभइ नो अन्नेर्हि समारंभावेइ अन्ने समारंभंते वि न समणुजाणइ - इति से महतो आदाणाओ उवसंते उवट्ठिए पडविरते से भिक्खू जे इमे कामभोगा सचित्ता या अचित्ता या ते नो सयं परिगिन्हइ नो अण्णं परिगिण्हावे अण्णं परिगिण्हतंपि न समणुजाणइ इति से महतो आदाणाओ उवसंते उवट्ठिए पडिविरते से भिक्खू-जं पि य इमं संपराइयं कम्मं कज्जइ-नो तं सयं करेइ नो अन्नेणं कारवेइ अन्नं पि करेंतं न समणुजाणइ-इति से महतो आदाणाओ उवसंते उचट्ठिए पडिविरते से भिक्खू जाणेजा असणं या पाणं वा खाइमं वा साइमं वा अस्सिपडियाए एवं साहम्मियं समुद्दिस्त पाणाई भूयाइं जीवाई सत्ताइं समारम्भ समुद्दिस्सा कीयं पामिचं अच्छेनं अणिसट्टं अभिरुडं आहट्टुद्देसियं तं चेतियं सिया तं नो सयं भुंजइ नो अन्नेणं भुंजावेइ अन्नं
For Private And Personal Use Only
