Vijayprashasti Mahakavyam

Author(s): Hemvijay Gani, Gunvijay Gani
Publisher: Jinshasan Aradhana Trust

Page 711

६८६
विजयमश्शस्त्याम् ।
करणं, श्रीगुरोर्वचनं, चारु मनोज्ञं, पुनः, चतुरचित्तहृद् निपुणचेतोहारि, रेजे शोभते स्मेति ॥ ४३ ॥ परिवारः प्रभोर्भूरिविभूतिभरभासुरः ।
"
अनल्पः कल्पशाखीव महामाहात्म्यभूरभूत् ॥ ४४ ॥ प्रभोः परिवारः स्वकीयगच्छ्वर्त्याचार्योपाध्यायपण्डितमभृतिसमवायरूपः किं०, भूरिविभूतिभरेण ज्ञानविज्ञानादिसम्पसमूहेन भासुरः, पुनः, अनल्पोऽतुच्छः, कल्पशाखीव सुरतरुरिव, महामाहात्म्यभूः बहुप्रभावभवनम् अभूत् ॥ ४४ ॥ तत्रादौ गुरुपट्टधरं श्रीमदाचार्य सिन्धुरं श्लोकत्रयेण वर्णयतितथाह्यहार्य गाम्भीर्य शौर्यशौण्डीर्यवीर्यवान् । अभङ्गभाग्यसौभाग्यवैराग्यादिगुणार्णवः ॥ ४५ ॥ श्रीयौवराज्य साम्राज्यप्राज्यर्द्धिधरणीधरः । विवेका लोकसुश्लोकलोककोक दिवाकरः ॥ ४६ ॥ राजते विजयश्रीभिर्भ्राजिष्णुर्भुवनाहुतः । श्रीमद्विजयदेवाह्नः सूरीन्द्रचन्द्र निर्मलः ॥ ४७ ॥
तथाहीति पूर्वोक्तार्थ समर्थनपरं वचः, अहार्याणि यानि गाम्भीर्यशौर्यशौण्डीर्यवीर्याणि मनोवचःकायोद्भवा गुणास्तद्वान्, पुनः, अभङ्गा अखण्डा ये भाग्य सौभाग्यवैराग्यादिगुणास्तेपामर्णवः समुद्रः ॥ ४५ ॥ पुनः, श्रीयौवराज्यस्य युवराजभावस्य यत् साम्राज्यं तस्य माज्या पुष्कला ऋद्धिः सम्पत् सैव धरणी भूमिस्तत्र धरः पर्वतस्तस्या धारकत्वात् पुनः, विवेकाऽलोका विवेकप्रकाशवन्तः, पुनः, सुश्लोकाः शोभनयशसः ये लोकास्त एव कोकास्तेषु दिवाकरः, तदानन्दहे - सुत्वात् ॥ ४६ ॥ पुनः, विजयश्रीभिर्जयलक्ष्मीभिर्भ्राजिष्णुः
,