Vijayprashasti Mahakavyam

Author(s): Hemvijay Gani, Gunvijay Gani
Publisher: Jinshasan Aradhana Trust

Page 725

७
मशस्तिः ।
कोलनीतल्या कीर्तिकलोलिनी कृता ॥ ५० ॥ 'अन्येऽपि स्तुतित्रिदशतरङ्गिण्यादयो घनाः । रचयाञ्चक्रिरे ग्रन्थाः स्तोत्राणि शतशः पुनः ॥ ५१ ॥ चतुर्विंशत्यर्हतां च विजयस्तुतयः पुनः । बाल्ये ऽप्यवालधीगम्यं श्रीपार्श्वचरितं महत् ॥ ५२ ॥ सद्भावशतकं चापि कस्तूरीप्रकरः पुनः । सूक्तरत्नावलिचाप्यन्योक्तिमुक्तामहोदधिः ।। ५३ ।। चक्रे वक्रेतरो येन कथारत्नाकरः स्फुरन् । व्याख्यापीयूषलुब्धानां विबुधानां गनोहरन् ॥ ५४ ॥ इत्यादिग्रन्थविधौ सौधे कलसाधिरोपणसवर्णम् । विजयप्रशस्तिकाव्यं तेन कृतं विजय सेनगुरोः ॥ ५५ ॥ इतस्तस्य कवीन्द्रस्य दैवाद् दिवमुपेयुषः । पश्वाद् मयाऽथ विवृतं तत्काव्यं गुरुशासनात् ॥ ५६ ॥ एवं सत्यपि सन्ति च वक्तारश्चतुरचक्रिणः । केचित् सुगमा हैमी कृतिरिति तस्याष्टीका निरर्थैव ॥५७॥ तत् साधु साध्वभिदधे शृण्वन्तु प्रतिवचोऽहमपि विदधे । आलोके सति मङ्गलदीपो दिवसे न किं क्रियते १ ॥ ५८ ॥ अथवा दृक्तर्पणको दर्पणको रविपुरो न किं धियते १ । काव्यस्यास्याऽपि तथा सुगमस्यापि हि भवतु विवृतिः ॥ ५९ ॥ इत्याकूतकृतधिया वाचकगुणविजयनामधेयेन । विद्याप्रदानसुरतरुपितृव्यगुरुरक्तहृदयेन ॥ ६० ॥ श्री विजयदेवसूरेः सांनिध्यादल्पबुद्धिबोधाय । बोधाय च केषाञ्चिद् विदुषां च मनोविनोदाय ॥ ६१॥ विजयप्रशस्तिकाव्यप्रकाशिका विजयदीपिका टीका । विदधे विक्रमनृपतेर्वर्षे वसुवसुनृप १६८८ प्रभिते ।। ६२ ॥
(विशेषकम् )
१ सुधिया गुणविजयनामधेयेन ।