________________
પુરોવચન છે ઉર એક ઉદધિ છે. એમાં ભરતી ને એટ થયા જ કરે છે. ભરતી વખતે ઊછળી ઊછળીને ઉપર આવતી ઊર્મિની છે, કેટલીક વખત, કલ્પના પણ ન કરી હોય એવાં ચિન્તનના ઉમદા ને પાણીદાર મતી લઈ આવે છે, ને કિનારે ઠાલવે છે. કિનારે એથી સમૃદ્ધ બને છે.
આજથી નવ વર્ષ પહેલાં, મારા પૂજય પિતાશ્રી મુનિ ચંદ્રકાન્તસાગરજીની પવિત્ર અને હૂંફાળી છાયામાં વિહાર કરતાં કરતાં, પ્રકૃતિના લાડીલા સંતાનસમા આબુ અને રાણકપુરની યાત્રા કરવાનું સૌભાગ્ય મને સાંપડેલું. મારા જીવનના એ અનુપમ દિવસે હતા. પ્રકૃતિના સાજે ત્યારે, મારા અંતરના ઊંડાણમાંથી આવી પડેલાં ગીત સાથે સુંદર સાથ આપી, એક અપૂર્વ સંવાદિતા સઈ દીધી હતી.
