Updeshpad Mahagranth Part 01

Author(s): Pratapvijay
Publisher: Muktikamal Jain Mohan Mala

Page 11

याओ रेहति व धम्मियजणकित्तीओ सग्गचलियाओ॥७॥ तं च अणेगच्छेरयसारं पालेइ विउलबलकलिओ। इक्खा
गुवंसवसहो बंभो नामेण नरनाहो ॥ ८॥ अइपीयरेहि अइदीहरेहि कत्थवि अपत्ततोडेहिं । जस्स गुणेहिं व गुणेहि दाहामिया सइ थिरा लच्छी ॥९॥ सामेण य दंडेण य भेएण उवप्पयाणकरणेण । अवसरपत्तेण जसो जेण पवित्थारिओ
दरं ॥१०॥ तस्सुम्भडरिजभडकोडिघडणउभडियपुरिसकारस्स । बहुपणयरयणखाणी चुलणीनामा य आसि पिया ॥ ११ ॥ अभविंसु तस्स मित्ता निफित्तिममित्तिभावसंजुत्ता । चउरो चउराणणचउरवुद्धिकलिया महीपाला ॥ १२॥ कासीणाहो कडओ कणेरुदत्तो य गयउराहिवई । कोसलसामी दीहो चंपापहू पुप्फचूलोत्ति ॥ १३ ॥ निरवज्जरज्जचिंताधुरंधरो तह धणू महामच्चो । पुत्तो तस्स वर धणू धणियं कलिओ पिओगुणेहिं ॥ १४ ॥ ते पंचवि रायाणो बंभाईया पल्टपणयवसा। विरहं अणिच्छमाणा परोप्परं एवमभणिंसु॥१५॥ पत्तेयं पत्तेयं पंचसु रजेसु वरिसमेतकं नियपरिचारजुएहिं जुगवं चिय संबसेययं ॥१६॥वोलीणम्मि य काले केवइए दरमुण्णयमणाणं वहपुण्णपावणिज भोगसुहंभुंजमाणाणं॥१७॥अह अन्नया कयाई रयणीए मज्झभागसमयम्मि। चुलणी अइफारफले चउदस सुमिणे नियच्छेइ ॥१८॥जहा;|"कुंजरवसहसीहअइसेया-दामसोमरविझयअभिसेया। कुंभंभोरुहसरजलनिहिणो-दिवविमाणरयणगणसिहिणो" ॥१॥ | तक्वणमेव पवुद्धा सा मुद्धा कहइ वंभनरवइणो । जह सामि! संपइ मए चउदस सुमिणा इमे दिट्टा ॥१९॥राया रंजिय हियो धाराहयनीवकुसुमसमपुलओ । फुलिंदीवरनयणो भणइ इमं देवि ! ते होही ॥२०॥ अम्ह कुलकप्प रुक्सो कुलज्झओ कुलपईवसंकासो। महिमंडलमउलमणी गुणरयणखणी सुपुत्तो त्ति ॥ २१ ॥ साहियनवमासंते संतेसु
*555555555575