Tirth Saurabh

Author(s): Atmanandji Maharaj
Publisher: Shrimad Rajchandra Sadhna Kendra Koba

Page 5

(સંપાદકીય
શ્રી સત્યુત-સેવા-સાધના કેન્દ્રની રજત જયંતી નિમિત્તે આ ગ્રંથ “તીર્થ-સૌરભ' પ્રગટ કરતા અમો સાત્ત્વિક આનંદનો અનુભવ કરીએ છીએ.
સંસ્થાના વિવિધ ઉદેશ્યોમાં, મુખ્ય બે ઉદ્દેશ્યો છે : (૧) ઉચ્ચ કક્ષાનું સાત્વિક અને આધ્યાત્મિક સાહિત્ય સરળ ભાષામાં
સમાજની સેવામાં રજૂ કરવું તથા (૨) આધ્યાત્મિક વિકાસની ભાવનાવાળાં ભાઈબહેનોને સર્વ પ્રકારે ઉત્સાહિત
કરી તેમને સામૂહિક અને વ્યક્તિગત સાધનામાં બાહ્ય અને આંતર સહયોગ આપવો તથા માર્ગદર્શન પૂરું પાડવું.
આ ગ્રંથમાં સમાજના બધા વર્ગોને વાંચવામાં રસ પડે અને જીવન જીવવા માટેની પ્રેરણા સહિત જરૂરી પાથેય પણ મળી રહે તેવો નમ્ર પ્રયાસ અને કર્યો છે. ત્રણ ભાષાઓમાં હોવાથી, તેમજ વૈવિધ્યપૂર્ણ વાચન-સામગ્રી પીરસી હોવાથી ગુજરાતી ન જાણનાર ભારતીય સમાજ અને વિદેશ સ્થિત નવી પેઢીને પણ તેમાંથી પ્રેરણા મળશે, એવી સંભાવના છે.
માનવજાતના સાંસ્કારિક, નૈતિક અને અધ્યાત્મવિષયક ઉત્કર્ષ માટે જે માહિતી અને માર્ગદર્શન આ ગ્રંથમાંથી ન ઉપલબ્ધ થઈ શકે તેવા ઘણાં બધાં વિષયો આ ગ્રંથ સાથે જ પ્રગટ થતા સંસ્થાના બીજા ગ્રંથ “સંસ્કાર, જીવનવિજ્ઞાન અને અધ્યાત્મ'માં વણી લેવાનો અમે પ્રયત્ન કર્યો છે. આશા છે કે સંસ્થાના આ મંગળ-પ્રસંગે સર્વાચનપ્રેમી સૌ કોઈને પૂરતું પાથેય આ બે ગ્રંથમાંથી મળી રહેશે.