Shastra Sandesh Mala Part 01

Author(s): Vinayrakshitvijay
Publisher: Shastra Sandesh Mala

Page 252

सामाइयम्मि उ कए समणो इव सावओ जतो भणितो / बहुसो विहाणमस्स य तम्हा एयं जहुत्तगुणं // 456 // मणदुप्पणिहाणादिण होंति एयम्मि भावओ संते / सतिभावावट्ठियकारिया य सामण्णबीयं ति // 457 / / पोसेइ कुसलधम्मे जं ताऽऽहारादिचागणुट्ठाणं / इह पोसहो त्ति भण्णति विहिणा जिणभासिएणेव // 458 // आहारपोसहो खलु सरीरसक्कारपोसहे चेव / बंभव्वावारेसु य एयगया धम्मवुड्डि त्ति // 459 // अप्पडिदुप्पडिलेहियसेज्जासंथारयाइ वज्जेति / / सम्मं च अणणुपालणमाहारादीसु एयम्मि // 460 // सम्ममणुव्वयगुणवयसिक्खावयवं थिरो य णाणी य / अट्ठमिचउद्दसीसुं पडिमं ठाएगराईयं // 461 // असिणाणवियडभोई मउलियडो दिवसबंभयारी य / रत्तिं परिमाणकडो पडिमावज्जेसु दियहेसुं . // 462 // झायइ पडिमाएँ ठिओ तिलोगपुज्जे जिणे जियकसाए / णियदोसपच्चणीयं अण्णं वा पंच जा मासा // 463 // पुव्वोइयगुणजुत्तो विसेसओ विजियमोहणिज्जो य / वज्जइ अबंभमेगंतओ उ राई पि थिरचित्तो // 464 // सिंगारकहाविरओ इत्थीइ समं रहम्मि शो ठाइ / चयइ य अतिप्पसंगं तहा विहूसं च उक्कोसं // 465 // एवं जा छम्मासा एसोऽहिगतो इहरहा दिटुं / जावज्जीवं पि इमं वज्जइ एयम्मि लोगम्मि // 466 // सच्चित्तं आहारं वज्जइ असणादियं निरवसेसं / असणे चाउलउंबिगचणगादी सव्वहा सम्मं // 467 // 243