Shastra Sandesh Mala Part 01

Author(s): Vinayrakshitvijay
Publisher: Shastra Sandesh Mala

Page 282

संघादुद्देसेणं ओघाइहि समणमाइ अहिकिच्च / कडमिह सव्वेसिं चिय ण कप्पइ पुरिमचरिमाणं // 809 // मज्झिमगाणं तु इदं कडं जमुद्दिस्स तस्स चेव त्ति / नो कप्पइ सेसाण उ कप्पइ तं एस मेर त्ति // 810 // सेज्जायरो त्ति भण्णति आलयसामी उ तस्स जो पिंडो / सो सव्वेसि ण कप्पति पसंगगुरुदोसभावेण // 811 // तित्थंकरपडिकुट्ठो अण्णायं उग्गमो वि य ण सुज्झे / अविमुत्ति यऽलाघवया दुल्लहसेज्जा विउच्छेओ // 812 // पडिबंधनिरागरणं केई अण्णे अगहियगहणस्स। तस्साउंटणमाणं एत्थऽवरे ति भावत्थं // 813 // मुदितादिगुणो राया अट्ठविहो तस्स होति पिंडो त्ति / पुरिमेयराणमेसो वाघायादीहिं पडिकुट्ठो // 814 // ईसरपभितीहि तहिं वाघातो खद्धलोहुदाराणं / . दंसणसंगो गरहा इयरेसि ण अप्पमादाओ . // 815 // असणादीया चउरो वत्थं पायं च कंबलं चेव / पाउंछणगं च तहा अट्ठविहो रायपिंडो उ // 816 // कितिकम्मं ति य दुविहं अब्भुट्ठाणं तहेव वंदणगं / समणेहि य समणीहि य जहारिहं होति कायव्वं // 817 // सव्वाहिं संजईहिं कितिकम्मं संजयाण कायव्वं / पुरिसोत्तमो त्ति धम्मो सव्वजिणाणं पि तित्थेसु // 818 // एयस्स अकरणम्मी माणो तह णीयकम्मबंधोत्ति / पवयणखिसाऽयाणग अबोहि भववुड्डि अरिहम्मि // 819 // पंचवतो खलु धम्मो पुरिमस्स य पच्छिमस्स य जिणस्स / मज्झिमगाण जिणाणं चउव्वतो होति विण्णेओ // 820 // .... 273