Sant Shisyani Jivan Sarita

Author(s): Pratap J Tolia
Publisher: Nanchandra Maharaj Smarak Trust

Page 6

આમુખ
કવિશ્રી નાનચંદ્રજી મહારાજ સ્મારક ટ્રસ્ટ તરફથી તેમનું આ જીવનચરિત્ર પ્રકટ કરતાં અમો ધન્યતા અને કૃતજ્ઞતા અનુભવીએ છીએ. આ જીવનચરિત્ર સાથે પૂજ્ય ગુરુદેવનાં લખાણો અને કાવ્યોમાંથી પસંદગીનાં લખાણો અને કાવ્યો જોડવા ઈચ્છા હતી. પણ તેમ કરતાં ગ્રન્થ મેટો થઈ જાય તેથી વિચારોહનરૂપે એક બીજા પુસ્તકથી તે પ્રકટ કરવાનો નિર્ણય કર્યો છે.
Vઆ જીવનચરિત્ર ભાઈશ્રી પ્રતાપ ટોલિયાએ શ્રી ચુનીલાલજી મહારાજના સહકારથી અને તેમની દેખરેખ નીચે તૈયાર કર્યું છે. તે બન્નેને આ તકે ટૂટવતી અમો હાર્દિક આભાર માનીએ છીએ.
કવિશ્રી નાનચંદ્રજી મહારાજે તેમના પ્રભાવશાળી વ્યકિતત્વથી અને પ્રગતિશીલ વિચારોથી સેંકડો-હજારો જૈન-જૈનેતર ભાઈઓ અને બહેનોને પ્રભાવિત કર્યા છે અને તેમને જીવનપંથ ઉજાળ્યો છે. વીસમી સદીની શરૂઆતમાં ધર્મ અને સમાજકલ્યાણની સમન્વયકારી વિશાળ જીવનદષ્ટિ વિરલ હતી. એ સમયે માનવસેવા એ પરમ ધર્મ છે એની પ્રેરણા આપી, સમાજકલ્યાણનાં ઘણાં કાર્યો અને સંસ્થાઓને વેગ આપ્યો. જૈન ધર્મ નિવૃત્તિપ્રધાન ગણાય છે. પણ તેમાં રહેલ અનુકંપા અને અહિંસાનું વિધેયાત્મક સ્વરૂપ - પ્રેમ, કરુણા અને મંત્રી તેમને જીવનમંત્ર હતા. તેમના બધા ઉપદેશમાં નાતજાતના ભેદભાવ વિના માનવતા મધ્યબિન્દુમાં હતી.
યુગધર્મને પિછાણી, સ્ત્રી ઉત્કર્ષ માટે તેમની પ્રેરણાથી મહિલા મંડળની સ્થાપના થઈ હતી. તેવી જ રીતે, આમજનતા તેમનાં વચનામૃતોને લાભ મેળવે તે માટે તેઓ ત્રિપ્રવચને કરતા જેમાં મોટી સંખ્યામાં જૈનેતર ભાઈ-બહેનની હાજરી રહેતી.
મધુર કંઠ હતો, કવિત્વશકિત હતી અને અસરકારક વ્યાખ્યાનશૈલી હતી તેથી વિશાળ જનતા ઉપર તેમને ભારે પ્રભાવ પડત. સંખ્યાબંધ ભાઈઓ અને બહેનોને તેમના પ્રત્યે ઊંડો ભકિતભાવ હતો અને તેમના સમાગમથી પોતાનું જીવન ધન્ય થયું એમ તેઓ અનુભવતા.
તેમનું આ જીવનચરિત્ર દીર્ધકાળ સુધી જૈન સમાજને પ્રેરણા આપશે એવી મને દઢ શ્રદ્ધા છે.
મુંબઈ,
તા. ૧૫-૧૨-૧૯૭૨
ચીમનલાલ ચકુભાઈ
ટ્રસ્ટીમંડળવતી