Sambodhi 1977 Vol 06

Author(s): Dalsukh Malvania, H C Bhayani, Nagin J Shah
Publisher: L D Indology Ahmedabad

Page 381

પરિશિષ્ટ
ભદ્રેશ્વરસૂરિવિરચિત
તરંગવઈકહા अत्थीह जंबुद्दीवे भारहवासम्मि मागहे देसे । वीर-जिण सासण रओ रायगिहे कूणिओ राया ॥१ तस्सासि नगर-से (१४४B)ट्ठी सुसावओ सव्व-पयइ मणकतो । पच्चखं धण-पालो [धणपालो नाम ] सुपसिद्धो ॥२ तस्सावियम्मि(?) निवसइ गेहे बहु-सिस्सिणीए गण जणणी । एकारसंग-संपुण्ण-धारिया सुव्वया नाम ॥३ तीसे य तरंगवई सिस्सी छहस्स पारणयस्स दिवसे । समाण-खुड्डीए सहिया भिक्खत्थं तस्थ हिंडती ॥४ किंचि धड्य गेहं पडिवाडी-पडियमइगया सा य । पेच्छिज्जइ तम्मि ठिया वर-मंदिर-जुवइ-चेडीहिं ॥५ भणइ य अहो रूव तं च सुणेऊण निग्गया घरिणी । समुच्चिय(?) तं सा दट्टुं तुट्ठा य स-खुड्डियं अज्जं ॥६ भत्तीए वंदित्ता तीसे रूव-गुण-कोउहल्लेण । विम्हय पुलइय-गत्ता सा घरिणी भणइ अज्जं ॥७ अम्ह पसीयह अज्जे जइ ते नत्थि नियमस्स उवरोहो । ता पर-लोय-सुहावहमिह धम्म-कह परिकहेह ॥८
तो भणइ तीए भणिया अज्जा नत्थेत्थ कोइ उवरोहो । जं धम्मो सुगुणो च्चिय दोण्ह-वि भासंत-सुणंताणं ॥९ ता तं सुणेह साहेमि सोउमेवं च हरिसिया घरिणी । उचियासणेसु वंदिय दो-वि निवेसेइ अन्जाओ ॥१० तत्तो सह सेसाहिं जुबईहिं बंदिउं तरंगवई । घरिणी निविसइ पुरओ कयंजली कोट्टिम तलम्मि ।।११ तो साहिउँ पयत्ता सव्व-जग-सुहावहं जिणाणुमय। जर-मरण-रोग-जम्मण-संसार-विणासणं अज्जा ॥१२ सम्मईसण-सुद्ध पंच-महव्यय-मय विणय-मूलं ।। तव-संजम-पडिपुण्णं निरूवम-सिव-सुह-फलं धम्मं ॥१३
*