Sambodhi 1977 Vol 06

Author(s): Dalsukh Malvania, H C Bhayani, Nagin J Shah
Publisher: L D Indology Ahmedabad

Page 399

तरंगलाला
तो भणइ पिओ दिण्णं जीवियमम्हं तए निरासाणं । तो निकारण-वच्छल वीर तुमं सुणसु साहेमि ।।(२७९) वच्छापुरीए पुत्तो है धणदेवस्स सत्थवाहत्स । नामेण पउमेदेधे। कहिही लोओ वि तव एवं ॥(२८०) ता एज्जसु कइह वि तहि अत्थं दा(हामु)ते सुबिपुलं ति । सो भणइ जया एस्सं तत्थ करेज्जह जहा किंचि ॥(२८१) एवं जंपमाणे xxx वञ्चइ उन्तर हुत्तो अम्हे वि गया अवर हुत्ता थ (२८२) पत्ता या किलेसेणं साहिय गामम्मि पिययम बेमि । कथइ छुहावहारं आहारं इह ग[127Ajवेसेह ।।(२८३) तो मं भणइ पिययमो तकर-परिमुद्र-मोल्ल सव्वस्सा । कहं चंडि परस्स घरं अणज्जमाणा अईहामो ॥(२८४) वसण-परिधाडियस्स [ वि] देह त्ति न माणिणो भणियमुचियं । अहवा तुज्झ कए मह नत्थि अकायव्ययं किंचि ॥(२८५) तो वीसमसु मुहुत्तं रच्छामुह-भूसणम्मि एयम्मि । दिस्सावकिलरसंते(?) देवउले तो दो-वि तहिं पविस्सामो ॥(२८६) चिट्ठइ य तस्स मज्झे पडिमा दसरह वत्ताण(? सुण्हाए) सीयाए । तं च नमिउं निसन्ना देउल-पासे विचित्तम्मि ॥(२८७) पेच्छामो य जुवाणं जच्चासेणेतयं तहिं चेव । पुरओ तुरिय-पहाविय-किंकर नियरं सु-नेवत्थं ॥२८८) तो ह नागर-तरुणा कोवि इमे। होहिइ त्ति नाउणं । लज्जाए परावत्तिय देउलस्स सुसंमुहा जाया ॥(२८९) तरुणो वि धम्म-हे पयाहिणं देउले करेमाणो । सो दटुं अज्जउत्तं हय-हियओ धाविओ सहसा ॥(२९०) पडिउं च तस्स पाएसु संसुओ भणइ सामि तुह मित्तो । कुम्मासहत्थि-नामा पणासय पुरेच्चओ अहं ति ॥(२९१) नाउं य अज्जउत्तेण धणियमालिंगिओ य पुट्ठो य । दोण्ह पि कुलाण कुसलं तओ तुमं निग्गओ पवाह (?)॥(२९२) सो भणइ खेम-कुसलं सस्थाह-कुलम्मि तह य सेट्ठि-कुले । जं चागमण-निमित्तं मह तं साहेमि सुणसु तुमं ॥ (२९३) सेट्ठि-भवणम्मि कन्ना गय त्ति नाए पहाय-समयम्मि । तो किंकर-दासीए भे कहिओ सव्वा वि वृत्तांता ॥(२९४)