Sambodhi 1977 Vol 06

Author(s): Dalsukh Malvania, H C Bhayani, Nagin J Shah
Publisher: L D Indology Ahmedabad

Page 407

तरंगलोला
२५७
तेसिं च विणय-खलिय खमह य किर सुहम बायर सव्व। मत्तेहि पमत्तेहिं व जं होज्ज कयं कयाई पि ।। (४०३) अस्संजएसु अत्थो एव विसोवमो दवग्गि-निभो। हिकरणं ति न दिण्णो चोसिरिओ णे त्ति संदिसियं ।। (४०४) सोन चेमं सहसा उक्कूविय परिजणेण पाएसुं ।। लग्गेण तहण्णेण य जणेण लुंचइ सय केसो ।। (४०५) जाव पिओ ता ह पिय तहेव समणस्स तस्स पाएसु । पडिया पिएण सह तो भणामि दिक्खेह भयव ति ।। (४०६) तेण वि विहिणा जा दिक्खियम्मि ता परियणाउ नाउणं। अम्मा-पियरो पत्ता भणंति मोहेणिमं पुत्ति ।। (४०७) मा होज्ज विसम-तारुण्णेणं धम्मे बिराहणा काइ।। तम्हा अणुभूय-भोगा पच्छा वि तव गहेज्जसु ।। (१०८) भणिय मए भोगा खण-मेत्त-सुह त्ति वीर-तरुणेणं ।। सासय-सुह-हेऊ धम्मो च्चिय होइ कायब्वो । (४०९) ता बॅति पुत्त साहसु सिवमचिरेणेव तह वि गदगदिया। बंधव-जणेण य वड्ढविया समासासिया दो-वि ॥ (४१०) सासु ससुरो य तओ रमणं मं बेंति पुत्त केण तुमं । किचि भणिओ जमेवं पव्वइओ तह य धम्म-फलं ।। (४११) सग्गो तम्मि वि भोगा साहीणा ते य तुज्झ ता भोगे । कइवय-वरिसे (?) प[129 B]च्छा सुक्खं विहेज्जसु । (४१२) तो मे गुरू सयासो(?) निय-चरिएण वरो इओ जाओ । समणो त्ति बोत्तु तेसिं संदरिसेइ दिटुंतं ।। (४१३) जह कोसियार-कीडो जा जा तणु-वेढणेण अण्णाणो । हिय-कामओ निरंभइ अप्पाणं तंतु-मेत्तेण ॥ (४१४) तह मोह-मोहिय-मई जीवो विसय-सुह-कामओ धणिय। इत्थि-कएण निरु भइ अप्पाणं राग-दोसेहि ।। (४१५) भणियौं च तेहि विसयासेवण निव्वुय-मणा नवरि अम्हे । न चएमो निस्सरिउं ता तुम्हे चिय परं धण्णा ।। (४१६) तो सेट्ठि-सत्थवाह-समहिल-मित्तजण बंधव-समग्गा । घेत्तूण पुत्तमम्हं नगरमइगया परोयंता । (४१७)