Sambodhi 1977 Vol 06

Author(s): Dalsukh Malvania, H C Bhayani, Nagin J Shah
Publisher: L D Indology Ahmedabad

Page 395

रंगलाला
२४५
विणय-रइयंजलिउड पुरओ समुवट्ठिउं च तं दहुँ । बहु-माण-ससंभंतो अह कंतो उढिओ सहसा ।।२१३ जत्तो चेवाहं गिह-हेट्ठा चिट्ठामि घरिणि पच्छन्ना।। तत्तो चेवायाओ चेडीए समं पउमदेवो ॥२१४ तो स करेहिं तं मे दूइं अंज(?गुलि) उडे गहिऊणं ।। भणइ परितोस-पायड-पहट्ट-वयणो इमं वयणं ।२१५ दिढे पइ(!)दूई तए तुहिए नट्ठो महं हियय-सोओ । जं जं भणियं पियाए कहेसु तं सोउमिच्छामि ॥२१६ अह भणइ चेडिया तं न किंचि अप्पाहिया अहं तीए । सयमेव विण्णवेही सा किर मे आगया पासे ।।२१७ तो हं तत्थागंतुं पणमंती पिययमेण बाहाहि । आलिंगिऊण भणिया सामिणि सुस्सागय ते ति ।।२१८ अह भणइ मं पिययमो किं साहसमेरिसं तए विहियं । जमहं बेमि किसोदरि स-पसाया होउ तं सुणसु ॥२१९ राय-कुलड्ढओ य निगमम्मि] गहिय-वक्को य । बहु-मित्तो य पिया ते सामिणि नगरस्स पमाणं ॥२२० तत्तो उ अविणयमिणं गुण-बुद्धि तुहोवरि विहेही । मझ य का(हि)इ रुट्टो से सव्व-कुलस्स उवघायं ॥२२१ ता जाव तं न नज्जसि ताव नियत्ताहि नियय-घरमेव । अयं काहामि तहा जहा लब्भं तुममुवाएणं ॥२२२ एयम्मि देस-काले केण-वि पुरिसेण राय-मग्गाम्मि । पढिया वच्च तेण गाहाणुगुणां इमा घरिणि ॥२२३ सयमागया(149A) पिया जोब्वणं च अत्थो [य] राय लच्छी य । चास-समए य जोण्हा पंच वि तुरमाणा भोइज्जाओ (2) ॥२२४ सोउं चेमं गीयं सोच्छाहो घरिणि मं पिओ भणइ । देसंतरम्मि गंतुं पिए जइ तहिं रमिज्जामो ॥२२५ तो तं बेमि. रुवंती नम्हि समत्था नियत्तुं नाह ।। अणुगामिणी अहं भे जत्थ भणह तत्थ वच्चामि ॥२२६ दावंतो य अवाए बहुए वि ममाइनिच्छयं नाउं । वच्चामो त्ति पवजिय भणइ [य] गिहामि पाहेज्जं ॥२२७ पंथ-परिव्वय-हेउं जाव य सो गेहमइगओ निययं । ताव मए सारसियाभरणाणयणाय पट्टविया ।।२२८