Rushimandal Stava

Author(s): Shilchandrasuri
Publisher: ZZ_Anusandhan

Page 12

अनुसन्धान-५६
नायसुए सिद्धिगए वोच्छिन्नं पेमबंधणं जस्स । उप्पन्नं च अणंतं नाणं तं गोयमं वंदे ॥२३॥ दोमासिय तेमासिय चाउम्मासिय तहेव छम्मासे । तवसा मुणिमुक्कटुं धन्नं वंदामि अणगारं ॥२४॥ फासुयमवि जो लुक्खं भुंजइ तंपि य न भुजई पकामं । धन्नं रिसिवरमहियं परमट्ठगवेसयं वंदे ॥२५॥ उत्तत्तकणयवन्ना महिला मणिहारभूसियंगीओ । धन्नो परिचइत्ता ओमोयरियाए जावेइ ॥२६॥ जस्स य संलीणत्तं खंती मद्दवय उत्तमा तुट्ठी । गुणसागरं अपारं धन्नं वंदामि अणगारं ॥२७॥ जो सयणपरियणजणं धणकोडिं उज्झिऊण पव्वइओ । विहरइ तवतणुयंगो धन्नं वंदामि अणगारं ॥२८॥ जस्स कओ आहारो नासइ तत्ते जहा कडाहम्मि । छूढो उर्यरैकभल्ले धन्नं वंदामि अणगारं ॥२९॥ सच्चुप्परि देवाणं नहि उ मासेहिं मग्गिया वसही । एक्का य गब्भवसही सेसा धन्नस्स धन्नस्स ॥३०॥ जो अरहओ भगवओ वेयावच्चं महायसो कासी । १४छन्दोणुयत्तिमणहं सिरसा लोहं नमसामि ॥३१॥ धन्नो सो लोहज्जो खण्डतखमो पवरलोहसरिवन्नो । जस्स जिणो पत्ताओ इच्छइ पाणीहिं भोत्तुं जे ॥३२॥
१. राग० खं. २ । २. नाणं से उप्पन्नं तं सिरसा गो० खं. २ । ३. ०तिय-चाउमासिएहिं छम्मासिएहिं खमणेहिं खं.२ । ४. णु सं. २ । ५. धन्नरिसिं वर० खं. २ । ६. परिचत्ताओ खं. २ । ७. गोयरिया व -----० खं. २ । ८. मुत्तगा खं. २ । ९. तणुअंगो खं. २ । १०. जस्स हु खं. २ । ११. उदरकवल्ले खं. २ । १२. सव्वुपरि खं. २ । १३. [न]वहि य खं. २। १४. छन्दमणुयत्तमाणं खं. २ । १५. लोहज्जमिसिं खं. २ ।