Rushimandal Stava

Author(s): Shilchandrasuri
Publisher: ZZ_Anusandhan

Page 31

ऑगस्ट 2011 वरवेरुलिए य मणी-मुत्ताओ कंचणं पवालं च / / जो विहुणिय पव्वइओ तं वंदे गंगदत्तमिसिं // 238 // सीयाओ संदणाणि य रहा य गड्डी य जाण-जुगा(ग्गा)इं / जो विहुणिय पव्वइओ तं वंदे गंगदत्तमिसिं // 239 / / तवविणयसमियगुत्तं वंदे पवरगुणमणुचरं सिरसा / दढसमयमरहियमई नमंसिओ गंगदत्तमिसिं // 240 // जो चइऊण सरीरं आयाओ सुरवरो महासुक्के / तं आगमेसिभदं नमंसिमो गंगदत्तमिसिं // 241 // पुव्वभवनेहबद्धो जस्स पिया देइ नागकन्नाओ / सव्वंगसुंदरीओ ताओ चइऊण पव्वइओ // 242 // थणभैरनमियंगीओ ताओ पडिपुन्नचंदवयणाओ / सो पवरनागदत्तो भुंजइ वरनागकन्नाओ // 243 // / ताहि समं वरपुरिसो विलसित्ता कइवयाई वासाइं / जिणवयणसुइसकन्नो इच्छइ समणत्तणं काउं // 244 // नेऊरपागडाओ ताओ वरकडगमंडियभुयाओ / चइऊण भोगविरओ जिणवयणमणुत्तरं कासी // 245 / / भगवं पि नागदत्तो उदारतवसंजमं अणुचरित्ता / चइऊण तं सरीरं देवो वेमाणिओ जाओ // 246 / / जो तिहि पएहिं धम्मं समणेण समाहिणा समणुसट्ठो / अभिरोइयसामण्णं चिलायपुत्तं नमसामि // 247 / / उवसम-विवेय-संवर आसज्ज समाहिणा समणुसट्ठो / तं पवरधिइयविजयं चिलायपुत्तं नमसामि // 248 // काएहिं जस्स निक्कड्डियाणि नयणाणि चत्तदेहस्स / खज्जंताई पि न निवारियाइं तमहं नमसामि // 249 // पाए हुस(स्स)रियाओ सोणियधाराहिं नयणमुक्काहिं / मेरुव्व ठिओ अचलो चिलाइपुत्तं नमसामि // 250 // 1. 238-39-40 गाथात्रयं खं. 1 नास्ति / 2. ०सिओ खं. 2 / 3. थणहर० खं. 1 / 4. ०सयन्नो खं. 2 / 5. न वारि० खं. 2 /