Rushimandal Stava

Author(s): Shilchandrasuri
Publisher: ZZ_Anusandhan

Page 30

३०
अनुसन्धान-५६
जस्स य कणगव(ध?)णं पि य दिप्पयमणिहारभूसियंगीहिं । महिलाहि भवणरयणं जंबुं वंदामि अणगारं ॥२२५॥ हारद्धहारभूसण-मणिमुत्तसिलप्पवालवइराइं । भरियाई सिरिघराइं तस्स पुरिसपुंडरीयस्स ॥२२६।। जो मायावित्तेहिं अट्ठहिं कन्नाहिं नं निवेसंति । एगदिवसेण भगवं ताउ चइऊण पव्वइओ ॥२२७।। जस्स य अभिनिक्खमणे चोरा संवेगमागया खिप्पं । तेण सहा(ह) पव्वईया जंबुं वंदामि अणगारं ॥२२८।। सीहत्ता निक्खंतो सीहत्ता चेव विहरई भयवं । जंबू पवरगुणधरो वरनाणचरित्तसंपन्नों ॥२२९।। नरयगइगमण जम्मणमरण' पुणब्भवण सागरोप्पाओ । जंबू भवोहमहणो तिन्नो संसारकंतारं ॥२३०॥ चरिमसरीरधराणं चरिमं चरणगुणपारगं सिरसा । वंदामि जंबुनामं पवरसिवसुहगई पत्तं ॥२३१॥ रिद्धिस्थिमियसमिद्धाए जो तइया पुरवरीए रम्माए । बारवईए महप्पा अणुचरइ तवं परमघोरं ॥२३२॥ कन्हेण वासुदेवेण पुच्छिओ जो जिणेण वागरिओ । घोरतवस्सी तइया ढंढं वंदामि अणगारं ॥२३३॥ नवि उस्सुओ न दीणो न दुम्मणो न वहिओ न य विसन्नो । ढंढो अलाभपरीसहेण भगवं दढधिईओ ॥२३४॥ खण्डतखमं जियलोभं वंदे तवतेयरूवसपन्नं । विउलतवयेयरासिं ढंढं वंदामि अणगारं ॥२३५॥ कन्हेण वासुदेवेण जो तइया रायमग्गमोइन्नो । अभिवंदिओ निसुढिएण वंदे हं ढंढमणगारं ॥२३६।। सत्त य धणकोडीओ वरवइरमए य हत्थिणो सत्त ।
जो विहुणिय पव्वइओ तं वंदे गंगदत्तमिसिं ॥२३७।। १. ०संपन्नं खं. १ । २. मरणब्भव चेव सा० खं. २ । ३. रिद्धिं त्थमिय० खं. २ । ४. विहिओ खं. १ । ५. निसन्नो खं. १ । ६. ०संपण्णं खं. २ । ७. ०मोइन्ना खं. १ । ८. तं वंदे ढंढ० खं. २ ।