Rushimandal Stava

Author(s): Shilchandrasuri
Publisher: ZZ_Anusandhan

Page 28

अनुसन्धान-५६
जं तं भवंतरगया मारेसी अप्पणिज्जिया माया । अन्नेसिं पुत्ताणं कएण वग्घी अयाणंती ॥२००॥ माऊए पुत्तमंसं खइयं भाऊहिं भाउणो मंसं । संसारम्मि अणंते हा ! जह अन्नांणदोसेण ॥२०१॥ ससिसगलधवललेसं पसत्थवरनाणेदसणचरितं ।। सव्वट्ठसिद्धिनिलयं सुकोसलमिसिं नमसामि ॥२०२॥ जस्स कुलेण बलेण य विण्णाणेण विणएण रूवेणं । बीओ नत्थि सरिसओ सजणवयाए विसालाए ॥२०३॥ बत्तीसं भत्तसयं उर्ववासे जो अपाणयं कासी । उज्जाणगं नियंतं तं सिरसा लंचगं वंदे ॥२०४॥ अज्जवि य विसालाए तस्स मुणिंदस्स नामधेएणं । लंचगसिवोवॅगासो जत्थ महरिसी ट्ठिओ पडिमं ॥२०५॥ अभिभूय उवसग्गे जो पडिमं एगराइयं कासी । तं लंचगं मुणिवरं अमरनरनमंसियं वंदे ॥२०६।। जो सो सुसाणमज्झे पडिमं ट्ठासीय चेइए रोद्दे । वोसट्ठचत्तदेहं तं सिरसा लंचगं वंदे ॥२०७॥ देवट्ठिईअणुभागं जो जाणइ फासियाए पडिमाए । तं लंचगं मुणिवरं अमरनरनमंसियं वंदे ॥२०८॥ गुणधरगुणजसमालं वितिमिरनाणेक्ककुंडलं अजियं । लंचगमहमणगारं अमरनरनमंसियं वंदे ॥२०९।। चइऊण बंभलोगा रायगिहे पुरवरे समुप्पन्नं । तेयबलसत्तजुत्तं मर्यज्जरिसिं नमसामि ॥२१०॥ जो सो धम्ममुयारं सद्दहिऊण तिविहेण निक्खंतो । कासी तवमुक्कट्ठे मेयज्जमिसिं नमसामि ॥२११॥
१. ०गयं खं. २ । २. अप्पणे० खं. २ । ३. य जा० खं. २ । ४. अप्पाण खं. २। ५. ०झाण संजमच० खं. २ । ६. उववासं खं. २ । ७. य पाणगं खं २। ८. सिंगपगासो खं. २ । ९. ठाणे खं. २ । १०. ठाइ खं. २ । ११. गुणजसधरवणमालं खं. २ । १२. ०नाणेण कुं० खं. २ । १३. मियज्ज० खं. १ । १४. ०मिसिं खं. २ । १५. जो धम्ममिणमु० खं. २ । १६. ०रिसिं खं. १ ।