Rushimandal Stava

Author(s): Shilchandrasuri
Publisher: ZZ_Anusandhan

Page 15

ऑगस्ट २०११
जो निच्छयं उवगउ 'कयंजलि (ली) वंदिऊण लोयगुरुं । खामेऊण सुविहिए जावज्जीवं चयइ भतं ॥५४॥ मासं पाओवगओ आलोइय निंदिऊण दुच्चरियं । सव्वट्ठसिद्धिनिलयं तं वंदे सालिभद्दमिसि ॥५५॥ जो चइऊण विमाणे‍ सिलप्पवालमणिकंचणसमिद्धे । वेसमणभवणसरिसे आयाओ इब्भभवणम्मि ॥ ५६ ॥ भोगेसु अरज्जंतो धम्मं सोऊण वद्धमाणस्स । जो समणो पव्वइओ सुपट्टमिसिं नम॑सामि ॥५७॥ जो वागरिओ वीरेण सीहनिक्कीलिए तवोकम्मे । ओसप्पिणिए भरहे अपच्छिमो सित्ति तं वंदे ॥५८॥ चंपाए जो तइया अहियासे दारुणे उवस्सग्गे । वोसट्ठचत्तदेहं सुदंसणमिसिं नम॑सामि ॥५९॥ जो दहिवाहणेपीइल्लियाए अभयाए अग्गमहिसीए । खोभेऊण न चइओ सुदंसणमिसिं नम॑सामि ॥६०॥ खण्डतखमं उग्गतवं वंदे तवतेयरूवसंपन्नं । किन्नरगणेहि महियं सुदंसणमिसिं नम॑सामि ॥ ६१ ॥ जस्सासी पुप्फमओ परियत्ते दारुणे य उवसग्गे । सीसम्म छिज्जमाणे सुदंसणमिसिं नम॑सामि ॥६२॥ वरवेरुलि य मणि मुत्ताओ कंचणं पवालं च । चइउं सुदंसणमिसिं(सी)नेव्वाणमणुत्तरं पत्तो ॥६३॥ नयरं च दसन्नपुरं सत्त य पमयासयाई चइऊण । धणकणयरयणनिचए मुत्तापुंजे महंते य ॥६४॥ कोमाँरियाओ भज्जा पन्नासं कप्पिया' रहसहस्सा । चइउं दसन्नभद्दो नेव्वाणमणुत्तरं पत्तो ॥ ६५ ॥
१५
१. पच्चलिओ खं. २ । २. भद्दं खं. १ । ३. विमाणं खं. २ । ४. ०समिद्धं खं. २ । ५. ०पिययमाए खं. २ । ६. ०वेरुलियमणी० खं. २ । ७. कोमारी भज्जाओ खं. २ । ८. कप्पियं खं. २ । ९. ० सहस्सं खं. २ ।