Ritthnemichariyam Part 2

Author(s): Swayambhudev, Ramnish Tomar, Dalsukh Malvania, H C Bhayani
Publisher: Prakrit Text Society Ahmedabad

Page 209

रिट्ठणेमिचरिउ
थिउ गउतम-गंदणु समर-कंखु अप्फालिउ धणुहरु दिण्णु संखु सहस-त्ति विसज्जिउ सर-सहासु। दस-सयहिं णिवारिउ तिण-वि तासु तंडविय तुरंगम तोमरेहिं णिय पग्गह-तोडिय-रहवरेहि रिसि-सुयहा सुहाविउ तेण थाणु तहिं अवसरे णरेणामुक्कु वाणु कह-कह-व किवहा णिय-थाणु सिद्ध पुणु अज्जुणु दसहिं सरेहिं विद्ध ते छिंदेवि वइरि-पुरजएण सर तेरह मुक्क धणंजएण
८
धत्ता
सारहि तुरंग धउ कवउ धणु आयवत्त रह जज्जरिउ । उपत्ति-विपत्तिहिं जीउ जिह किउ एक्कंगें उव्वरिउ ।। ११
[१५] तो सहस-त्ति सत्त पट्टविय दयावरेणं ।
दसहिं सरेहि खंडिया णहयले गरेणं ॥ पट्टविय गयासणि पुण किवेण स-वि खंडिय पत्थे णिक्किवेण तहिं अवसरे धाइय कुरुव सव्व खगणाहही भूरि भुवंगम व्व पंचमुहहा मत्त महागय व अहि-मयरहो पवण-वलाहय व्व ४ ते सयल-वि एक्के अज्जुणेण आयामिय तरु जिह फग्गुणेण कासु-वि सिरु कासु-वि छिण्णु गत्तु कासु-वि धउ कासु-वि आयवत्त कासु-वि रहु कासु-वि रहवरंगु कासु-वि सारहि कासु-वि तुरंगु कासु-वि धणु कासु-वि कवउ छिण्णु कासु-वि तंवेर सरेहिं भिण्णु ८ . एक्कल्लउ पहरइ सव्वसाइ लक्खिज्जइ अज्जुण-कोडि णाई ।
घत्ता
महि मंडिय सरेहिं स-कुडलेहिं समरंगणे एक्के एक्कु पर
कित्तिए तिहुवणु मंडियउ । दुजण-वयणु ण मंडियउ ॥ १०.