Rai Paseniya Suttam Part 01

Author(s): Hiralal B Gandhi
Publisher: Hiralal B Gandhi

Page 6

रायपसेणियसुत्त
१ तेणं कालेणं तेणं समएणं आमलकप्पा नामं नयरी होत्था, रिद्धस्थिमियसमिद्धा जाव पासादीया दरिसणिज्जा अभिरूवा पडिरूवा।
. २ तीसे णं आमलकप्पाए नयरीए बहिया उत्तरपुरस्थिमे दिसीभाए अंबसालवणे नाम चेइए होत्था, पोराणे जाव पडिरूवे । __३ असोयवरपायवपुढविसिलावट्टयवत्तवया ओघवाइयगमेणं नेया। . ४ सेओ राया, धारिणी देवी, सामी समोसढे, परिसा निग्गया, जाव राया पज्जुवासइ ।। . ५ तेणं कालेणं तेग समएणं सूरियाभे देवे सोहम्मे कप्पे सूरियाभे विमाणे सभाए सुहम्माए सूरियाभसि सीहासणसि चउहिं सामाणियसाहस्सीहिं चउहिं अम्गमहिसोहिं सपरिवाराहिं तिहिं परिसाहिं सत्तहिं अणियाहिं सत्तहिं अणियाहिवईहिं सोलसहिं आयरक्खदेवसाहस्सीहिं अन्नहिं य बहूहिं सूरियाविमाणवासीहिं वेमाणिएहिं देवेहिं देवीहिं य सद्धि संपरिखुडे, महयाऽइहयनगीयवाइयतंतीतलतालतुडियघणमुइंग. पडुप्पवाइयरवेणं दिवाई भोगभोगाई भुंजमाणे विहरइ । इमं च णं केवलकप्पं जंबुद्दीवं दीवं विउलेणं ओहिणा आभोएमाणे २ पासइ । तत्थ णं समण भगवं महावीरं जंबुद्दीवे भारहे वासे आमलकप्पाए नयरीए बहिया अंबसालवणे चेइए अ