Rai Paseniya Suttam Part 01

Author(s): Hiralal B Gandhi
Publisher: Hiralal B Gandhi

Page 7

रायपसेणियसुत्त
हापडिरूवं उम्गहं उग्गिण्हित्ता संजमेणं तवसा अप्पाणं भावे. माणं पासइ । पासित्ता हट्टतुट्ठचित्तमाणदिए नदिए पीइमणे परमसोमणस्सिए हरिसवसविसप्पमाणहियए विकसियवरकमलनयणे पयलियवरकडगतुडियकेउरमउडकुंडलहारविरायतरइयवच्छे पालंबपलंबमाणघोलंतभुसणधरे ससंभमं तुरियचवलं सुरवरे ( जाव) [सीहासणाओ अब्भुट्टेइ, २ पायपीढाओ पच्चोरुहइ, २ एगसाडियं उत्तरासंगं करेइ,२ सत्तटुपयाई तित्थयराभिमुहे अणुगच्छा,२ वामं जाणु अंचेइ,२ दाहिणं जाणुं धरणितलंसि निहट्ट तिक्खुत्तो मुद्धाणं धरणितलंसि निवेसेइ, २ ईसिं पच्चुण्णमइ.२ करयल परिग्गहियं दसणहं सिरसावत्त मस्थए. अंजलिं कट्ट एवं वयासी
___“नमोऽत्थु णं अरिहंताणं भगवंताणं आइगराणं तित्थगराणं सयंसंबुद्धाणं पुरिसेोत्तमाणं पुरिससीहाणं पुरिसवरपुंडरीयाणं पुरिसवरगंधहत्थीणं लोगुत्तमाणं लोगनाहाणं लोगहियाणं लोगपईवाणं लोगपज्जोयगराणं अभयदयाणं चक्खुदयाणं मम्गदयार्ण जीवदयाणं सरणदयाणं बोहिदयाणं धम्मदयाणं धम्मदेसयाणं धम्मनायगाणं धम्मसारहीणं धम्मवरचाउ. रंतचकवट्टीणं अपडिहयवरनाणदसणधराणं वियदृछउमाणं जिणाणं जावयाणं तिण्णाण तारयाण बुद्धाणं बोहयाण मुत्ताणं मोयगाणं सवण्णूणं सवदरिसीणं सिवमयलमरुयमणंतमक्खयमव्वाबाहमपुणरावत्तगं सिद्धिगइणामधेजं ठाणं संपत्ताणं, नमोऽत्थु णं समणस्स भगवओ महावीरस्स जाव संपाविउकामस्स, वंदामि गं भगवन्तं तत्थगयं इह गए. ] पासउ मे भगवं तत्थ गए इह गय" त्ति कर वंदइ नमसइ । वंदित्ता नमंसित्ता सीहासणवरगए. पुवाभिमुहं सन्निसण्णे ।