________________
તા. ૧૬-૮-૯૬
પ્રબુદ્ધ જીવન
પળેપળ ધ્વનિમય રહે તે પીપળો I ગુલાબ દેઢિયા
શહેરના ભરચક વિસ્તારમાં કોઇએ નહિ પણ એક પીપળાએ મને આંતર્યો. આમ તો અમારોકોઇ પૂર્વ પરિચય નહિ, પરંતુ વસંત ઋતુની વાત જુદી હોય છે. પીપળાની રતમુડી કૂંપળોના સ્મિત ની આણ વર્તાતી હતી. જાણે હજારો ગુલાબી હોઠ સ્મિતનો ઉત્સવ ઉજવી રહ્યા હતા. શહેર પાસે પણ હજી થોડા કૌતુક બચ્યા છે જે ધન્ય કરી દે છે.
પીપળાના વૃક્ષને જોઇ ઘણી વાર પેલો જાણીતો દુહો યાદ આવ્યો છે. પીપળપાન ખરંત, હસતી કંપળિયાં,
અમ વીતી તમ વીતશે, ધીરી બાપલિયાં.
દુહામાં ડહાપણ છે, બોધ છે. પીપળાના વૃદ્ધ પીળાં પાન ખરી રહ્યાં છે. એ ખરતી પીળી વૃદ્ધાવસ્થા સામે રતુમડી કૂંપળો હસી રહી છે. વડીલ પર્ણો એમને ઠપકો આપે છે. તમારા પણ એ જ દિવસો આવશે, ખમી ખાઓ. વિદાય કોને ગમે ? ઉપદેશ માટે આ દુહો સારો છે. વડીલોને ગમે છે. કોઇ અજ્ઞાત કવિએ-પીપળપાનને એક સારા પ્રતિક તરીકે તાદશ કર્યું છે.
પરંતુ, ખરેખર તમે પીપળાનું ઝાડ જોયું છે ? વસંતના આ મોંઘા લીલાછમ દિવસોમાં જોયું છે? ગુલાબી, બદામી, રતુમડાં પર્ણો વહાલાં લાગે છે. તેમને ફરફર ફરકતાં ફરકતાં જોતા જ આપણી આંખોમાં ચમકની લહેર આવી જાય છે. સૂર્યનો વાસંતી તડકો પણ જાણે ચળાઇ ગળાઇને જેમાંથી આવે એવાં અર્ધપા૨દર્શક એ પર્ણો હસે નહિ તો કરે પણ શું ભલાં ?
મને તો હવે પેલો દુહો ગમતો નથી. પીળાં પાન તો હસતાં હસતાં જ વિદાય લેતાં હશે. એ જાય નહિ તો નવાં પાન આવે ક્યાંથી ? કુદરતનો ક્રમ ભૂલી ચીટકી રહેવાની પ્રથા પર્ણોમાં હજી નથી આવી. વળી એ પર્ણો એ પણ આજીવન નાચી કૂદી ગાઇને ૨વ ગજાવ્યો છે. તેઓ શિશુપર્ણોને હસવાની મના શા માટે કરે, ધ્વનિશીલા એ તો પીપલપર્ણોનો સ્વભાવ છે. પવનસંગ
રાસ રચવો એ એક જ કર્મ આ પર્ણોને શિરે હોય છે. શિર કહેતાં એમની લાંબી દાંડી જ બરાબરીની હવાને નગારે દાંડી દેતી હોય છે. મોટા સાદે વાતો
કરતાં આ પર્ણોનો પર્ણમર્મર કાનમાં ભરવા દેવો છે.
તુલસીદાસજીએ મનની ચંચલતાને પીપળાના પાન સાથે સરખાવી છે. પીપરપાન સરીસ મન ડોલે.
એક મિત્રને ઘેર વાતો કરતા બેઠા હતા. ઘર પછવાડે શેનો અવાજ આવી રહ્યો છે તે જાણવા પાછલા ઓરડાની બારી પાસે હું કુતુહલવશ ગયો. એક મહાકાય પીપલવૃક્ષ શાખાઓ વિસ્તારી ઊભું હતું. વર્ષો પહેલાં એ પર્ણહાસ્ય માણેલું તો હજી સાંભરે છે. બચપણમાં અમે ટોર્ચ ચાલુ કરીને એના પ્રકાશ પર હાથ દબાવતા. ક્યારેક મોંમાં ટોર્ચનો પ્રકાશ રેલાવતા. તે વખતે ચામડી નીચે રહેલું રક્ત દેખાતું. એ લાલ રંગ ગમ્મત ભર્યો હતો. આ કૂંપળો પણ એવું હસી રહી છે. ગુલાબી હાસ્ય શિશુના હોઠ પર ફોરે છે. કૂંપળની લઘુમુઠ્ઠીમાં હાસ્ય છે.
બદામ, આંબા કે પીપળાના પર્ણો કેવો રંગોત્સવ ઊજવે છે. એ પાન લીલાશ ધારણ કરે તે પહેલાં લાલ ચટ્ટાક કે મદમાતા બદામી હોય છે. જાણે પુષ્પોના રંગ ચોરી ન લાવ્યા હોય !
બદામ અને પીપળા પાસે ફૂલોનો વૈભવ ખાસ નથી. તેથી આ મનમોહક પાંદડાં જ રંગ જમાવે છે. આંબા પાસે મંજરીનો વૈભવ ખરો પણ અલ્પકાલીન.
આપણાં લગ્નગીતોમાં વૃક્ષમહિમા આ રીતે ગવાયો છે. ‘જેને તે આંગણ પીપળો, તેનો તે ધન અવતાર, સાંજ-સવારે પૂજીએ, જો પૂજ્યા હોય મોરાર.' બાળકના નામકરણમાં પણ પીપળો હાજર છે. ‘આન પાન પીપળ પાન, ફોઇએ પાડયું કાર્તિક નામ.' પીપળો આપણે ત્યાં માનનીય, વંદનીય, પૂજનીય છે. શ્રીકૃષ્ણ ભગવાને કહ્યું છે. વૃક્ષોમાં હું અશ્વત્થ છું. અશ્વત્થ અને વાસુદેવ એ પીપલવૃક્ષના અપર નામ છે. પીપળાના પર્ણો પર્ણો શ્રીકૃષ્ણનો વાસ છે. એમ કહી પીપળાને શ્રીકૃષ્ણનિવાસ કહી દીધો. આમ તો ઘણા લોકો પોતાના મકાનને કૃષ્ણનિવાસ નામ આપે છે. પણ ત્યાં પીપળો નથી હોતો.
કોઇ ભવ્ય જીવને પીપળાના વૃક્ષ નીચે જ્ઞાન પ્રાપ્ત થાય છે. તીર્થંકરોને વટ, શાલ, જંબૂ, અશોક, બકુલ, શિરીષ, આમ્ર, વેતસ વગેરે વૃક્ષો નીચે કેવળજ્ઞાન પ્રાપ્ત થ યું હતું. વૃક્ષ નીચેની બેઠક એ કેટલી મોટી વસ્તુ છે !
૭
પીપળાની છાયા ધ્યાનમાં એકાગ્ર થવામાં સહાયક થતી હશે. વિભૂતિઓ સાથે પીપળાને પણ સન્માન મળ્યું છે. અવશ્ય, એણે પણ જ્ઞાનપ્રાપ્તિમાં પોતાનો ભાગ ભજવ્યો હશે.
ગયાના એ ગરવા પીપળાને ભગવાન બુદ્ધની સાથે બોધિ દ્રુમ જેવુ માનવંતુ નામ મળ્યું છે. વૃક્ષને વંદીએ અને એ વંદન વિભુને પહોંચે એ દશ્ય પર્યાવરણ પ્રેમીને પુલકિત કરી દે એવું છે.
આપણી સંસ્કૃતિએ જનપદમાં વસતા ત્રણ વૃક્ષોને અધિક માનપાન આપ્યું છે. આંબો, વડ અને પીપળો. એ ત્રણેના પાનનો પણ ચપટી ભાગ છે. વડ અને પીપળા વચ્ચે ઘણો સંબંધ પણ આમ્રવૃક્ષ તો નોખું જ છે. આમ્રવૃક્ષ એટલે સહકાર, કેવું મીઠું નામ છે. આંબો સંસારના મધુર સુખનો પ્રતીક છે. આપણે વંશાવળીનું ટેબલ બનાવવાને બદલે વંશવૃક્ષ ચિતરીએ છીએ. એને કુટુંબનો આંબો કહીએ છીએ. આ કલ્પના કેવી કાવ્યમય છે ! આંબાના વૃક્ષની શાખા, ઉપશાખા, પ્રશાખા પેઠે પેઢી દર પેઢી કુટુંબકલીબો વિસ્તરે. કેરીની મધુરનો સંકેત પણ અહીં ભૂલવા જેવો નથી. અગાઉ કુટુંબના આંબામાં કે દીકરીઓના નામ નહોતા નોંધતા. હવે એ ભૂલ કરવા જેવી નથી. કન્યા વિદાયના ગીતમાં આંબો આવે છે.
‘દાદાને આંગણ આંબલો, ઘેરગંભીર જો; એક જ પાન મેં ચૂંટીયું, દાદા ગાળ મ દેજો. દાદાને વ્હાલા દીકરા, અમને દીધાં પરદેશ જો;
અમે રે લીલુડા વનની ચરકલી, ઊડી જાશું પરદેશ જો. ’ ક્યાં કયાં નહોતાં ? હવે ક્યાં ક્યાં છે ? દીકરીનો આ ઉપાલંભ આંખ ભીની કરી દે છે. વૃક્ષો આપણાં જીવનમાં
આંબાને પૂજ્યતા નથી વીં. કદાચ આંબો બારે માસ એક સરખો નહિ રહેતો શ્રેષ્ઠ મધુર ફળ, શુકનવંતા લાંબા પાન, કોયલ ટહુકાનો વાસ છતાં હોય. સાધક મધુરતાનો મોહ છોડે, ફળની આકાંક્ષા છોડે. બહારના આંબા હેઠ બેસી ધ્યાનમગ્ન થવાનું સરળ નથી.
વડલો વધુ વિસ્તારી, સ્થૂળદેહી, ઘટાટોપ ઘેઘૂર, વડવાઇઓની વિશ્રાંતિધામ, ગોવાળિયાના પવાનો સંગીતમંચ, વડલો સંસારનું પ્રતીક છે. સંતાકૂકડી, પંખીઓનાં વ૨સરનામાં, પશુઓનો વિસામો, વટેમાર્ગુનું ણું બધું એક છત્રે રહી શકે છે. વડલાની ધીરતાને પવન ડગાવી શકતો નથી. વટવૃક્ષ થોડો ઝાંખો લાગે છે. અંધાર અહીં પડ્યો પાથર્યો રહે છે.
સારાસારી. ફળની ખાસ લિપ્સા નહિ. કોકિલસ્વરનો લોભ નહિ, પીપળાના પીપળો ઘેરગંભીર છે. ઊંચો પણ વધે છે. ગૂંચવાડા ઓછા. પ્રકાશ સાથે પર્ણો ખળખળ કરીને સતત જાગૃત રહેવાનું પસંદ કરે છે જોજે, અટવાઇ ન જતો, ઊંઘી ન જતો. માયા ના લગાડતો. એવી ઠાવકી વાતો પીપળો જ કહેતો હશે. આંબો કે વડ આત્મિયતાથી રોકી રાખે. માયામમતાનો પ્રસાદ ધરે. પીપળો નિર્લેપ.
બકરીના બચ્ચાના કાન જેવાં કૂણાં પાન પરથી વસંતનો તડકો લસરે છે. એ બદામી રાતી કૂંપળો વસંતની પતાકાઓ ફરકાવે છે. વસંતના આગમનને આ કૂંપળો વધાવે છે.
કેવી સોહામણી હોય છે. એ પારદર્શક જાળીદાર પીપલપર્ણો ભણવાની પીપળાના પાકા પાન પરથી ચામડી ખરી પડે જે ચામડી રચાય છે તે ચોપડીઓમાં અમે રાખતા. સાપની કાંચડીનો ટુકડો પણ રાખતા. કાંચડી થોડી હતું. હસ્તરેખા કરતાં પણ વધુ રેખાઓ પીપળાના ભાગ્યમાં હોય છે. ભયપ્રદ હતી. સીદી સૈયદની જાળી જોતાં પીપળાનું જાળીદાર પાન યાદ આવ્યું
દેવાનો ચાલ હતો. કડવા લીંબડાનો પણ ઘાત ન થઇ શકતો. ગ્રીષ્મમાં જૂના સમયમાં વસંત ઋતુ આવે એટલે કુહાડીઓને પેન્શન પર ઉતરી લીંબડાની છાંયડો માણવા જેવો હોય છે.
પીપળો ઉપર ઉપરથી મસ્તીખોર, અગંભીર છે. હેઠે તો ધ્યાનીને ખોળે લે એવો ગરવો છે. એની કુંડળીમાં જ્ઞાન છે. પર્ણરેખામાં ગમ્મત છે.
અગણિત ગુલાબી ઘજાપતાકાઓ લઇ વસંત વધાવવા પીપળો મોખરે
થયો છે.
