Padarth Prakash 23 Pravachan Saroddhar Part 01

Author(s): Vijayhemchandrasuri
Publisher: Sanghvi Ambalal Ratanchand Jain Dharmik Trust

Page 8

લઘુ ગુરુબંધુ હતા. શ્રીનેમિચન્દ્રસૂરિજીએ પ્રાકૃતભાષામાં 12 હજાર શ્લોકપ્રમાણ અનંતનાથચરિત્રની રચના પણ કરી છે. પ્રવચનસારોદ્વારમાં તેમણે થોડી ગાથાઓમાં ઘણા પદાર્થોનો સંગ્રહ કર્યો છે. આ મૂળગ્રંથ ઉપર શ્રીસિદ્ધસેનસૂરિજીએ સંસ્કૃત ભાષામાં સરળ ટીકા રચી છે. તેનું નામ તત્ત્વપ્રકાશિની વૃત્તિ છે. તે 18 હજાર શ્લોકપ્રમાણ છે. તેની રચના વિ.સં. 1248 વર્ષે ચૈત્ર સુદ 8 ના દિવસે થઈ છે. શ્રીસિદ્ધસેનસૂરિજી ચાન્દ્રગચ્છીય શ્રીઅભયદેવસૂરિજીના શિષ્ય શ્રીધનેશ્વરસૂરિજીના શિષ્ય શ્રીઅજિતસિંહસૂરિજીના શિષ્ય શ્રીવર્ધમાનસૂરિજીના શિષ્ય શ્રીચન્દ્રપ્રભસૂરિજીના શિષ્ય શ્રીભદ્રેશ્વરસૂરિજીના શિષ્ય શ્રીઅજિતસિંહસૂરિજીના શિષ્ય શ્રીદેવપ્રભસૂરિજીના શિષ્ય હતા. ટીકામાં તેમણે 90 ઉપરાંત ગ્રંથોના પOOઉપરાંત શાસ્ત્રપાઠો રજૂ કર્યા છે. પ્રવચનસારોદ્ધાર મૂળગ્રંથ અને તેની ટીકાના આધારે પદાર્થપ્રકાશ ભાગ 23' અને ‘પદાર્થપ્રકાશ ભાગ ૨૪'માં પદાર્થોનો સંગ્રહ કર્યો છે. ભાગ ૨૩માં પહેલા દ્વારથી ૧૨૯મા દ્વાર સુધીના બારોના પદાર્થોનો સંગ્રહ કર્યો છે. ભાગ ૨૪માં ૧૩૦મા દ્વારથી ૨૭૬માં દ્વાર સુધીના દ્વારોના પદાર્થોનો સંગ્રહ કર્યો છે. આ પદાર્થસંગ્રહ સંક્ષિપ્ત છતાં સંપૂર્ણ છે અને સરળ છતાં સચોટ છે. જરૂરીસ્થાનોમાં ચિત્રો દ્વારા પદાર્થોને સ્પષ્ટ કરવાનો પ્રયાસ પણ કર્યો છે. ઘણા સ્થાનોમાં પદાર્થો સરળતાથી સમજાય એ માટે તેમને કોઠાઓ રૂપે ઢાળ્યા છે. સંસ્કૃત-પ્રાકૃત ભાષા નહીં જાણનારા અને સંક્ષેપરુચિવાળા જીવોને પણ આ પુસ્તક દ્વારા પદાર્થબોધ સુગમ થશે. આ પુસ્તકમાં વધારાનું વિવેચન વર્જીને પદાર્થોનું 'to the point' નિરૂપણ કર્યું છે. તેથી પુસ્તક ખોલતા પદાર્થો સીધા હાથવગા થાય છે, તેમને શોધવા પડતા નથી. પ્રવચનસારોદ્ધારના પદાર્થોને ગોખવા માટે અને તેમનો પાઠ કરવા માટે